Sulm terrorist, humbin jetën 9 pjesëtarë të Gardës Kombëtare…

Të paktën 9 policë kanë humbur jetën, sipas të dhënave paraprake, në një sulm terrorist në krahinën Jendouba në veri të Tunizisë.

Sipas lajmit të televizionit shtetëror të Tunizisë, forcat e sigurisë me detyrë në Njësitë e Gardës Kombëtare të Ministrisë së Brendshme, ishin në shënjestër të sulmit terrorist në rajonin Gar ed-Dima të krahinës Jendouba.

Ndaj dy automjeteve ku ndodheshin pjesëtarët e forcave të sigurisë është kryer një sulm me bombë. Theksohet se pas kësaj një grup i armatosur ka hapur zjarr ndaj forcave të sigurisë.

Sipas vlerësimeve të para të paktën 9 pjesëtarë të sigurisë kanë humbur jetën.

Tunizia në vitet 2015-2016 ishte skenë e shumë sulmeve terroriste ku humbën jetën turistë të huaj dhe pjesëtarë të forcave të sigurisë.