BE ka një problem shumë të madh, gjithnjë e më shumë, kompanitë e mëdha po ikin në SHBA

Prodhuesi suedez i baterive për makina elektrike Northvolt ishte bërë gati që në Gjermani të ndërtoj një fabrikë për bateri të litium-jonit. Plani është nën llupë pasi SHBA i ka ofruar prodhuesve të teknologjisë së gjelbërt, subvencione shumë joshëse.

Northvolt në SHBA, sipas ligjit për uljen e inflacionit mund të përfitonte për ndërtimin e fabrikës deri në 800 milionë euro (836 milionë dollarë) mbështetje shtetërore, sqaroi dilën Drejtori ekzekutiv Peter Carlsson.

Kjo është rreth katër herë më shumë se sa ofron qeveria gjermane, tha shefi i kompanisë suedeze, e aty janë dhe çmimet më të ulëta të energjisë në SHBA. Kompania për këtë arsye mund tshtyj planin për ndërtimin e fabrikës në Heide në veri të Gjermanisë.

“Tani përparësi për zgjerimin mund ti japim SHBA-s, dhe jo Europës,” tha Carlsson.

Edhe liderë tjerë të biznesit mendojnë në këtë drejtim,duke dhënë shenja të qarta se Gjermania për shkak të ligjit amerikan për uljen e inflacionit, të rëndë 430 miliardë dollarë, avash po humb investime në teknologjinë e gjelbërt.

Ligji ofron lehtësira fiskale për investime në teknologjinë e gjelbërt dhe nxitje për qytetarët që venosin për të blerë makinë elektrike ose produkt tjetër ekologjik i prodhuar në Amerikën e Veriut.

Karremi për autokompani

Nxitja amerikane për prodhimin vendor më së shumëti ka goditur prodhuesit gjerman dhe tregtarët e makinave, që SHBA kanë tregun kryesor të eksportit. Hulumtimet e shoqatave industriale dhe dhomave të tregtisë gjermane, DIHK, nga muaji tetor tregojnë se 39 për qind e kompanive dëshiron të rris investimet në SHBA, përballë atyre që 32 për qind të investimeve mendojnë ti rrisin në Europë.

Dhomat ekonomike amerikano-gjermane kanë shënuar invetime të mëdha gjermane në SHBA, në veçanti në sektorin automobilistik, u shpreh për Agjensinë britanike të lajmeve Reuters kreu për tregti pranë DIHK, Volker Treier.

“Nëse nuk ndërmarrim diçka, shumë kompani do përfundojnë në SHBA,” tha Drejtori Ekzekutiv i Siemens Energy, Christian Bruch.

Ministri gjerman i Ekonomisë, Robert Habeck, konsideron se problemi është në rregullat e Bashkimit Europian që kufizojnë konkurrencën.

Problemi te BE?

Zgjidhjet e mundshme përfshijnë “vendime të shpejta (mbi projektet) dhe subvencione… dhe format tjera të mbështetjes së kompanive,” sugjeron ministri gjerman për Handelsblatt.

Edhe Europa ka subvencione të mira për investime në teknologjinë e gjelbërt, por problem është mobilizimi i tyre dhe dhënia e lejeve të domosdoshme lokale dhe ato nga qeveria, thekson Habeck.

Kompania gjermane CMBl Energy ka zhvilluar bateritë për energji ekologjike që nuk kërkojnë minerale të veçanta, dhe pikërisht për këto probleme ka vendosur të ndërtoj fabrikën e parë në SHBA, tha Drejtori Ekzekutiv, Peter Geigle, për gazetën gjermane Frankfurter Allgemeine Zeitung.

Rregullat e BE mbi mbështetjen shtetërore janë vjetëruar, byrokratike dhe promovojnë rajone, dhe nuk ruajnë dhe transformojnë zona të tëra industriale,” tha Drejtori Operativ i brendit Volkswagen, Thomas Schaefer.

Instrumenti i ri strategjik, përveç projektit me interes të përbashkët europian, është drejtuar në “zhvillim afatgjatë të teknologjisë së re, dhe jo intensifikim afatshkurtër, rritjes së volumit të prodhimit dhe industrializimin e tyre,” shprehet Schaefer përmes rrjetit social LinkedIn.

“BE-së i duhet urgjent instrumenta të ri që do të parandalojnë deindustrializimin e rrezikshëm,” tha Schaefer duke përfunduar.

“Nuk duhet të humbim kohë.”