Video/ Protesta në veri të Kosovës, Vuçiç mbështetë kriminelët serbë!
Ndërsa serbët po protestonin në veri të Kosovës, Presidenti i Serbisë, Aleksandar Vuçiç, i siguroi ata se do të kenë gjithmonë mbështetjen e tij dhe se nuk do të fshihet nga fuqitë e mëdha, dhe si zakonisht, hodhi një lum me gënjeshtra mbi veprimet e qeverisë së Kosovës.
“Serbët nuk kërkojnë shumë, vetëm ato që i takojnë njerëzve të civilizuar në Evropë. Që të gjithë të tjerët i kanë këto të drejta, vetëm serbëve ju mohohet. Të jenë të lirë, që të kenë të drejtën të lëvizin, të shkojnë në shkollë dhe spitale, që të ruajnë jetën dhe perspektivën e fëmijëve të tyre,” tha Aleksandar Vuçiç në një videomesazh përmes rrjetit social Instagram duke mos harruar dhe heqjen e listave për arrestim, që sipas tij, regjimi i Prishtinës i ka bërë vetëm pse serbët i janë kundërvënë politikisht terrorit të tyre; Akuza këto që nuk habitën asnjë joserbë pasi ishte e qartë se nuk është asgjë tjetër vetëm se një përkthim i terrorit që regjimi i Millosheviçit dhe më pas i vetë Vuçiçit i kanë mohuar shqiptarëve në mënyrë intensive kriminale që nga viti 1981, projekte këto kriminale pjesë të politikës serbe që aplikohen ndaj shqiptarëve që nga viti 1912.
Por, krimineli serb Aleksandar Vuçiç nuk u mjaftua me kërcënimet e mbrëmshme mbi kushtet për heqjen e barrikadave, por vazhdoi dhe sot duke folur në emër të serbëve në veri duke theksuar se po kërkojnë lirimin e atyre, që sipas Vuçiçit, janë arrestuar padrejtësisht .
“E për kthimin në institucione, pra, kjo është diçka tjetër nga heqja e barrikadave, kërkojnë formimin e Asociacionit për komunat me shumicë serbe, që ishte kushti i parë në Marrëveshjen e Brukselit. Për këto, si President i Serbisë do t’ju ofroj gjithmonë mbështetje dhe nuk do të fshihem nga fuqitë e mëdha,” tha Vuçiç duke shtuar se do të jetë i përgjegjshëm gjithmonë që ti ftoj të ruajnë paqen dhe durimin, gjë që kurrë nuk e ka bërë, ndonëse u u shpreh edhe sot:
“Sepse, paqja është në interesin më të madh të serbëve dhe Serbisë dhe popullti tonë në Kosovë. Rroftë populli serb në Kosovë, rroftë Serbia!”
