Mandati i Olta Xhaçkës, Gjykata Kushtetuese: Vendimi brenda 30 ditëve!
Gjykata Kushtetuese ka shqyrtuar sot kërkesën e PD lidhur me mandatin e deputetes Olta Xhaçka.
Pas dëgjimit të pretendimeve nga palët, në seancën e cila filloi në orën 10:00 dhe u mbyll në orën 13:20, Gjykata Kushtetuese u tërhoq për vendim dhe pritet ta shpall brenda 30 ditëve.
Ndryshe, Opozita pretendon se Olta Xhaçka nuk duhet ta gëzojë mandatin si deputete pasi ka shkelur ligjin. Bashkëshorti i Xhaçkës, sipas Opozitës, ka përfituar nga qeveria dhe ka marrë statusin e investitorit strategjik.
