Moti i keq, anulohen lundrimet e trageteve drejt Durrësit dhe Barit

Autoriteti Portual Durrës ka vendosur të anuloj disa lundrime drejt Portit të Durrësit dhe atij të Barit për shkak të motit të keq dhe detit të trazuar.

Kështu dy tragetet që ishin parashikuar mbrëmjen e sotme nga Porti i Durrësit drejt Barit, do të anulohen ashtu si nisjet e trageteve nga Bari, thekson Autoritetit Portual Durrës.

“Referuar parashikimeve të Kapitenerisë së Portit të Durrësit mbi situatën e motit në orët në vijim, Kompanitë e lundrimeve bëjnë të ditur se dy tragetet që ishin parashikuar mbrëmjen e sotme nga Porti i Durrësit drejt Barit, do të anulojnë lundrimet.

Pra, si pasojë e kushteve të motit që pritet të përkeqësohen në orët e ardhshme, nuk do të ketë nisje të trageteve sot, dt.04.02.2023, nga Durrësi drejt Barit dhe anasjelltas,” thekson Autoritetit Portual Durrës përmes një njoftimi duke përfunduar:

“Linja Durrës-Ankona-Durrës do të vazhdojë normalisht. Do ju mbajmë të informuar për çdo informacion në vijim.”