Sigurimi i Shtetit në PD, nga Tokë e Xanun tek Tokë e Zënur!
Kur dy ditë para masakrës së 8 Janarit nga Sigurimi i Shtetit në selinë e PD, i komanduari nga kafexhiu i Lulzim Bashës kërcënoi në emisionin e Fevziut se nuk do të ketë më “Tokë të Xanun” në Partinë Demokratike askush nuk e ndërlidhi me grahmat e fundit të kësaj partie e cila kishte parë tensione e përçarje me mbështetës të Azemit, pronarëve, të përndjekurëve politikë, pollistëve dhe olldashistëve me Saliun, por, jo edhe në baza krahinore! Aq më shumë, përdorimi i një parrulle aq shumë të përdorur nga komunistët, që janë dhe shkatërruesit e konceptit të pronës shqiptare, në selinë e PD, ishte një risi; Risi e cila do të dëshmoi për shumë pak kohë se vjen nga Sigurimi i Shtetit!
Në historinë e luftërave civile dhe ushtarake, vetëm komunistët kanë përdor dhe përdorin gratë shtatzëna dhe asnjë rracë tjetër në botë; Kjo ndodhi edhe me shqiptarët duke ritkhyer historinë politike të Enver Hoxhës sapo Edi Rama shkeli me Sigurimin e Shtetit në politikë për të rrëzuar Partinë Demokratike nga pushteti!
Parlamenti Evropian u pataks kur dëgjoi se malokët e Sali Berishës i kishin prerë barkun gruas shtatzënë të kryetarit Bashkisë Kavajë! Shumë shpejtë u zbulua se ishte mashtrim dhe ky lloj makabriteti i shpikur vinte nga zyrat e Partisë Socialiste të drejtuar nga Edi Rama, por, shqiptarët nuk panë as kërkimfalje as skuqje të këtyre monstrave për të cilat eurodeputetja sllovene Tanja Fajon tha se ishte “informuar”!
Pikërisht ky skenar u pa të jetësohej mëngjesin e 8 Janarit 2022 në pamje të parë nga një monstër tjetër, që quhej Lulzim Basha dhe e donte se s’bënë malokun Sali Berisha në pranga, arsye për të cilën dhe solli aty ku sopozohej se do ketë përplasje, nënkryetaren shtatzënë të Partisë Demokratike ndonëse kishte bërë gati në selinë e blinduar dhe pas saj, qindra litra gaz lostjellës dhe qindëra policë special të Edi Ramës!
Zhvillimi i ngjarjeve në selinë e PD më 8 Janar, zbulimi i selisë së blinduar, dhe dorëheqja e Lulzim Bashës që supozohej si organizator i gjithë kësaj masakarade kriminale, konfirmoi se nuk ishte thjeshtë një ide e Bashës dhe nuk ishte se kishte të bënte me “Tokën e Xanun”!
Sigurimit i Shtetit, më në fund arriti që paligjshmërinë pronësore të proklamuar nga impianti i tyre që në ditët e para të pluralizmit, “Tokë e Xanun”, ta fus në shinat e tij jo për ta zgjidhur ligjërisht, por, për ta zëvendësuar me “Tokë të zënur”
Ndërkohë gjithë broçkullat që dolën nga goja e Lulzim Bashës, Enkelejd Alibeajt, Jonila Godoles dhe protagonistëve të tjerë në artikulimin politik mbi malokërirat dhe gridërirat e atyre që nuk mendojnë si ata, pavarësisht sforcimit dhe aksesit në mediat e kontrolluara nga Edi Rama, nuk do të bëjnë pis vetëm historinë e jetës së tyre, por edhe atë politike të Partisë Demokratike!
Ç’ne Edi Rama! Ky është edhe buka edhe gjella e Sigurimit të Shtetit në çdo lëvizje që do shohin shqiptarët nga 8 Janari e tutje, jo vetëm në luftën politike me Sali Berishën dhe shkërmoqjen e Partisë Demokratike!
Pse dha dorëheqje Lulzim Basha dhe pse vazhdoj të ekzistoj “Toka e Xanun” në PD edhe pas 8 janarit, këtë nuk ka se pse ta sqarojnë as ndërsuesi i gjithë kësaj maskarade dhe as blinduesi i selisë së partisë, sepse për pak kohë do të dal i zbuluar vetë Sigurimi i Shtetit!
Pse kafexhiu i Lulzim Bashës e komandoi Enkelejd Alibeajn për kryetar të PD pa iu nënshtruar procesit të votimit në Këshillin Kombëtar me arsyetimin se ishte vetëm një kandidatë, nuk shkel vetëm Statutin e PD por dhe logjikën minimale juridike; Dhe, nëse kësaj i shtojmë dhe faktin se ky absurditet u aplikua nga dy ish-ministra të Drejtësisë, vetëm logjika e Sigurimit të Shtetit zë vend. Ndryshe, shqiptarët kanë parë në pluralizëm se gjithmonë ishte një kandidat për Kryeministër por ai votohej së bashku me ministrat e tij ndonëse nuk kishin rival!
Pse në këtë betejë politike me kartën e proamerikanizmit dhe me vlerën e vetme që kishin si Lulzim Basha ashtu dhe Enkelejd Alibeaj, përveç se kishin mbështetjen e Ambasadores së SHBA, Yuri Kim, se nuk ishin frankofon, shoqëroheshin ekskluzivisht me përfaqësues të kësaj bote antiamerikane ndërsa nuk pushonin së akuzuari rivalët e tyre politik pikërisht për antiamerikanizëm! Shqiptarët e dinë dhe si dielli ashtu dhe bëmat e frankofonizmit nuk mbulohen me shosh!
Pse Ish-Presidenti, Ish-Kryeministri dhe Ish-Kryetari i PD, Sali Berisha, u akuzua si antiamerikan nga Lulzim Basha ishte e paqartë përkundër angazhimit të pakursyer të kafexhiut dhe të komanduarit të tij që tundnin teserën e Sali komunistit, kur për 13 vjetët e qëndrimit të tij në fronin e presidentit dhe kryeministrit kishte shumë dështime! Kjo akuzë ishte edhe më e paqartë pasi që njeriut që anëtarësoi Shqipërinë në NATO dhe me ndihmën e po kësaj Amerike arriti të liberalizoj edhe vizat, vetëm Sigurim i Shtetit i tundi teseren që nga dita e parë e pluralizmit!
Pse Lulzim Basha me Sekretaren e saj komuniste për të Përndjekurit Politik përdhosi ditën e shpresës shqiptare, përvjetorin e rrëzimit të bustit të dikatorit Enver Hoxha duke firmos peticionin i cili u shpall dhe i hapur për qytetarët shqiptarë për të mbledhur firmat për miratimin e një ligji në parlament për dekomunistizimin, kur e kishte të qartë se nuk do ta mbështesin as të përndjekurit politikë, siç edhe ndodhi; Kujt i shërbeu i gjithë ky show me peticion si dje ashtu dhe sot, nuk ka më dyshime se vetëm Sigurimit të Shtetit i cili tashmë nxori edhe kokën!
Pse në kandidimin për anëtar të Autoritetit të Dosjeve u skulifikuan gjithë ata burra e gra të përndjekur politik dhe kontribues në PD vetëm pse mbështesin lëvizjen e Sali Berishës, ndërkohë u votua dhe anëtari i Shërbimit aktual Informativ; Madje nuk u reagua as me sjelljen e Taulant Ballës në seancë plenare kur në cilësinë e Kryetarit ë Grupit Parlamentar të PS, shkeli dhe gjithë procesin e kaluar në Komisionin e Ligjeve duke i ofruar Ish-Kryetarit të Shoqatës së Përndjekurve Politikë, Simon Mirakaj, vendin e sigurt në Autoritet nëse dorëzon një listë me firma deputetësh pa Sali Berishën, të gjithë e kuptuan ndonëse Sigurimi i Shtetit futi në lojë shumë protagonist!
Që gjithë këtë politikbërje e kontrollon Sigurimi i Shtetit u konfirmua edhe në rastin e Avokatit të Popullit! Pse nuk u mbështet anëtari më i denjë antkomunist i PD, Dorian Gjomarkaj, askush nuk dha përgjigje, vetëm se u tha se ishte gjetë si një propozim i ndërmjetëm, Ledio Braho! Por, aksioni i çarmatimit në veri nga Mehmet Shehu në vitin 1945 e jep jo vetëm përgjigjen pse urrejtja për Gjon Marka Gjonin është prezente edhe sot në politikë, por, që në këtë politikë timonin vazhdon ta mbajë Sigurimi i Shtetit!
Dhe, që ky grup i strukturuar kriminal që vepron në PD, as harbutërinë publike nuk e ka për turp e konfirmoi me proklamimin e Hapjes së Dosjeve të Sigurimit të Shtetit. E publikoi Enkelejd Alibeaj e për ta bindur opinionin u kujdes bashkëpunëtori i Sigurimit të Shtetit, Preç Zogaj. Kush e besoj?! Nuk është se dha rezultat kjo dalje publike e Alibeajt, ama Sigurimi i Shtetit ishte shumë rezultativ!
Pse i komanduari nga kafexhiu i Lulzim Bashës iu drejtua Gjykatës e Apelit kur, jo nga Zhukri, siç e anatemuan gjithë procesin për “tokën e zënur”, por nga gjyqtari Arben Konstandini, ishin sqaruar se nuk janë palë në këtë proces, sepse “kërkuesi Partia Demokratike e Shqipërisë e përfaqësuar nga Kryetari i PDSH, Lulzim Basha në procesin civil Nr.1346/2021 ku si palë kërkuese në këtë proces është Komisioni i Përkohshëm i Rithemelimit të PD për pasojë nuk legjitimohet në ngritjen e kësaj kërkese për përjashtimin e gjyqtarit Agron Zhukri nga shqyrtimi i çështjes Nr.1346/2021.” Kot që u mburrë ditë më parë Taulant Balla dhe paraditen e 3 Marsit doli Edi Rama me 21 Janarin, kur dihet se strumbullari i gjithë këtij krimi politik dhe tashmë gjyqësor është Sigurimi i Shtetit!
Pse nga qindra gjyqtarë dhe prokurorë që u shkarkuan nga vettingu, u mediatizuan vetëm ata që vinin nga veriu, sot nuk ka nevojë të na sqaroj Enkelejd Alibeaj që pretendon se pronën në këtë vend e kanë përdhosur malokët e “tokës së xanun”, Shefi i tij Lulzim Basha, jo se jo, aq më pak financuesi i të dyve, Kunati!
Ndërsa afrohet dita e gjykimit për ta qëruar nga selia e Partisë Demokratike, Sali Berishën, demokratët shohin se kryetari i komanduar nga kafexhiu i Lulzim Bashës ka angazhuar për avokat ish-kandidatin e partisë komuniste Libra në Durrës! Parti në hall, ndonëse kemi të bëjmë me një përfaqësim juridik të partisë antikomuniste që në zgjedhjet e fundit parlamentare ka marrë 650.000 vota, nuk na e paska një jurist të hajrit dhe angazhon komunistë të deklaruar!
Pse Sigurimi i Shtetit garantoi në Gjykatën e Apelit si avokatë i inetersave pronësore të PD nuk ishte ndonjë hata për ata që e njohin mirë këtë organizatë kriminale, ndërsa ata që u bezdisën me faktin e përsëritur të pranisë së Sigurimit të Shtetit në çdo hallkë politike dhe jetësore, ditë më parë kërkuan falje kur u konfirmua se edhe në përpjekjet e Edi Ramës që të likuidoj Partinë Demokratike nga skena politike, përdori një Zyrtar të lartë të FBI i cili u angazhua nga një agjent zyrtar i Sigurimit të Shtetit; Ndonëse as kjo nuk ishte rastëi, por thjeshtë ajo që e kishin mësuar nga vëllezërit e tyre serb: OZNA një herë, OZNA për herë!
Dhe, në fund, vjen dhe seanca finale e “tokës së zënur”! Sistemi gjyqësor amerikanë njeh shumë lloje të Gjykatave të Apelit, si ai për Doganat dhe Liçencat, për Doganat e SHBA, Ushtarak, për Tregti Ndërkombëtare, për Padi të veteranëve dhe agjencive tjera të speicalzuara dhe tribunale etj. por jo dhe Gjykatë të Apelit me Dëshmitar të Jahovait, na falni, Kimovait!
Ja që ndodhi, të gjithë e morën mesazhin dhe nuk kishte më kërshëri jo pse Taulant Balla u kishte publikuar ditë më parë Vendimin e Gjykatës së Apelit!
Nuk ka më Tokë e Xanun në PD, ishte thjeshtë një kërcënim i Enkelejd Alibeajt, që për ta bërë realitet kishte vetëm një zgjidhje, si ajo e 8 Janarit me një tufë gjakpirësish nën uniformë që nuk u ngopën së rrahuri demokratët edhe kur ata kishin gjetur shpëtimin nga gazi lotsjellës duke zhytur kokën në lumin e Lanës, Edi Rama!
Meqë askush nuk kishte për synim ta rregulloj këtë paligjshmëri “pronësore”, Edi Rama e gjeti një “zhukre komuniste” e cila kishte vetëm një detyrë, pa stërhollime juridike, Partinë Demokratike, nga “Tokë e Xanun” ta hipotekoj në “Tokë e Zënur”!
Dhe, për ti treguar mbështetësve të Lulzim Bashës që të jenë të qetë ndonëse situata ndër demokrat ishte e nderë, Sigurimi i Shtetit u kujdes që opinionit ti drejtohet një njeri me peshë që personifikon Bashën dhe mbështetësit e tij, dhe askush nuk mund ta bënte më mirë se ai që bota mediatike e kishte prezantuar si këshilltar të Bashës, Preç Zogaj:
“Ne sot në Gjykatë pamë përfaqësues të ambasadës së SHBA. Prania e tyre në këtë gjyq është një argument tjetër që na shtynë të mendojmë, ose të pohojmë se PD, logoja e saj, flamuri, sigla, historia, është hipotekë ë perëndimit në Shqipëri.
Gjithkush që e drejton dhe do ta drejtojë atë parti duhet të ketë mbështetjen e demokratëve dhe partnerëve perëndimor,” tha njeriu që ishte angazhuar nga Sigurimi i Shtetit në ditët e tij të rinisë dhe sot flet për hipotekën e Partisë Demokratike!
Hipotekë, e cila sot sikur edhe ligjërisht të konsiderohet arritje nga Sigurimi i Shtetit si “Tokë e zënur” çalon vetëm në një pikë, sikur edhe të pranohet si fakt se gëzon mbështetjen e perndimorëve:
Demokratët, ku do ti marrë ky grup i strukturar kriminal i cili shkatërroi Partinë Demokratike me ndihmën e Edi Ramës dhe me vendim të Sigurimit të Shtetit!
