Gazmend Hoxha emërohet Drejtor i Përgjithshëm i Policisë Kosovës
Gazmend Hoxha është emëruar Drejtor i Përgjithshëm i Policisë së Kosovës.
Ky vendim është marrë sot në mbledhjen e Qeverisë me rekomandimin e ministrit të Brendshëm, Xhelal Sveçla.
Gazmend Hoxha prej kohësh ka mbajtur poste të larta në Policinë e Kosovës. Deri më sot ai ishte Drejtor i Departamentit për Operacione dhe njëri ndër zyrtarët më të vlerësuar në këtë institucion.
Ndryshe, Policia e Kosovës ishte pa Drejtor të Përgjithshëm nga gushti i vitit të kaluar kur Samedin Mehmeti dha dorëheqje pas rastit të dhunimit të një 11-vjeçarjeje në Prishtinë.
Me urdhër të Kryeministrit të Kosovës, Albin Kurti, Ushtrues Detyre i Drejtorit të Përgjithshëm ishte caktuar, Zv/Drejtori i Përgjithshëm i Policisë së Kosovës, Fehmi Hoti.
