“Rritje pagash”, as Celibashi nuk i beson Kryeministrit: Deklarim, s’kemi vendimmarrje!

S’kemi vendimmarrje, por kemi deklarim! Kështu e komentoi deklaratën e Kryeministrit Edi Rama gjatë një show që kishte përgatitur për rritje pagash, kreu i KQZ Ilirian Celibashi, duke vlerësuar madje se nuk ishte shkelur as Kodi Zgjedhor!

Dhe, pavarësisht brohoritjeve dhe ekzaltimit të punëtorëve të cilëve Edi Rama u thirri emrin duke iu komunikuar pagën e re me rritje, Celibashi është i bindur edhe nga përvoja se nga e thëna e Edi Ramës në të bërë na ndanë një det i përmasave aq të mëdha sa nuk është zbuluar ende.

Por edhe nëse ndodhë Vendimmarrja, nga shkelja e Kodit Zgjedhor, u kuptua se Kreu i KQZ e kishte dëgjuar mirë Kryeministrin, dhe nuk ka asgjë, sepse sipas Ilirian Celinashit ashtu si dhe Edi Ramës, kjo kinezëri kishte të bënte me rastet e zgjedhjeve të përgjithshme.

“Ne ende nuk kemi aktin apo veprimtarinë, ndaj nuk japim dot vlerësime apo gjykime. Nuk do të ishim në rolin tonë si KQZ nëse do ta bënim këtë gjë, por do të dilnim si analistë. Nuk shoh asnjë arsye për të mos iu përgjigjur por ka një dallim mes akteve dhe veprimtarive. Përsa u përket akteve dhe veprimtarive që prodhojnë veprimtaritë publike, Kodi ka rregullimin e plotë në lidhje me përcaktimin se cila është veprimtari e një funksionari publik dhe cila është politike.

Në vlerësimin tonë kjo është e qartë dhe kjo gjë lidhet me kodin e afatin para zgjedhjeve, 4 muaj para, përsa u përket veprimtarive. Përsa u përket akteve, është e ndryshme për akte të ndryshme. Duhen vlerësuar disa rrethana për ta vlerësuar këtë gjë. Ka akte të cilat të qeverisë apo institucioneve publike që fillon dhe përfundon brenda periudhës 4-mujore,” tha Celibashi duke përfunduar:

“Parë kështu, duket sikur po thyejmë Kodin Zjgedhor. Por nëse e vlerësojmë më tej, do të thotë që është në përputhje me parashikimet e Kodit Zgjedhor. Në këtë rast nuk kemi vendimmarrje, por kemi deklarim. Nuk vlerësojmë deklarime. Një gjë dua ta theksoj, Kodi Zgjedhor ka ndalime që lidhen vetëm me zgjedhjet e përgjithshme.”

Ndryshe, sot Kryeministri Edi Rama e nisi ditën me një Deklaratë dhe jo Vendimmarrje pavarësisht cirkut që prezantoi me Administratën e tij, duke bërë të ditur se u ka rritur pagat, tani pas 10 vjetësh, pa u shqetësuar me faktin se nuk e lejon Kodi Zgjedhor, ose siç i quajti dje kinezërira!

“Desha t’ju përshëndes dhe t’ua them vet se u bë kaq vite që punojmë sëbashku dhe punoni me përkushtim dhe pa orar. Besoj se keni merituar prej shumë kohësh në fakt, por mundësia për ta bërë të mundur është krijuar vetëm tani. E dini se sa shumë vështirësi na është dashur të kapërcejmë për të krijuar këtë bazë, për t’ju thënë tani se është koha për të bërë një rritje rrogash shumë domethënëse,” tha Edi Rama duke përdor dhe emra konkret siç e ka zakon t’u bëjë dhe zarar njerëzve që i shërbejnë, duke i identifikuar si njerëz të Kryeministrit:

“Kam marrë këtu disa raste konkrete, duke përfituar dhe t’i shpreh mirënjohje disa prej jush që janë legjenda të këtij institucioni. Për pagën minimale, korrektimet do nisin nga lart poshtë. Ky ishte breaking news i madh, tani me vrap te puna. Dhe kur thash me vrap, me vrap.”