Banda e Bashës dështon edhe në Krujë, kandidati i gjashtë jep dorëheqje

Ishte tragjik vendimi i Lulzim Bashës që me bandën e tij të futen në garën e 14 Majit, por tashmë rezulton më shumë komik, sepse, ndonëse arritën ti mbledhin vetëm 16 kandidatë për Kryetar Bashkie sot dihet vetëm se cilët janë ata 6 që kanë dhënë dorëheqje.

Gjithsesi, sot dorëheqje paraqiti, kandidati për kryetar i Bashkisë Krujë, Sabah Sheta, siç shprehet, pas një reflektimi:

“Kam reflektuar këto ditë dhe kam vendosur të mos bëhem pjesë e asnjë farse politike, të mos i shërbej përçarjes demokrateve dhe qytetareve te mi, atyre qe na respektuan ne si force politike dhe na votuan masivisht ne 25 prill 2021.

Kjo është arsyeja madhore pse kam vendosur të tërhiqem nga kandidimi për Bashkinë e Krujës në emër të PD. Por kjo nuk do të thotë se do të largohem nga fusha e betejës,” shprehet Sabah Sheta në reagimin e tij përmes rrjetit social Facebook pas dorëheqjeve të kandidatëve për Kryetar të Bashkisë në Lezhë, Kurbin, Librazhd, Vorë dhe Korçë.

Se sa kandidatë për kryetar bashkie kanë ngelur në listën e kësaj bande politike mund ta dijë vetëm Zoti pasi sot as kreu i KQZ, Ilirian Celibashi, nuk e dinte numrin e saktë ose nuk i ka thënë Edi Rama se cilin numër ta bëjë publik.

Kur do të marrë fund cikli i dorëheqjeve nga kjo listë, këtë e dinë vetëm Lulzim Basha,, ajo që tashmë dihet është se kjo ishte loja: “Komisionerë demokratë për Edi Ramën”! Pra, kandidatët e Partisë Demokratike të Sali Berishës të dalë nga Primaret do jenë pjesë e garës së 14 majit, por votat do kontrollohen dhe numërohen nga komisionerët e Edi Ramës!

Dhe, në fund, më 15 Maj, pas dështimit të Kryetarit Nënkryetar, Lulzim Basha kthehet si “shpëtimtar”!

Reagimi i plotë i Sabah Shetës:

Këto ditë kam marrë me qindra mesazhe mbështetje nga demokratë dhe qytetarë, që duan një drejtim të ri për Krujën. Nga njëra anë, jam ndier i nderuar për besimin e tyre, por nuk mund të lë pa përmendur pjesën e dytë të mesazheve nga qyetetarët. Ata shprehin keqardhje që opozita është e përçarë, duke i dhënë sërish shans Edi Ramës në Krujë.

Kam reflektuar këto ditë dhe kam vendosur të mos bëhem pjesë e asnjë farse politike, të mos i shërbej përçarjes demokrateve dhe qytetareve te mi, atyre qe na respektuan ne si force politike dhe na votuan masivisht ne 25 prill 2021.

Kjo është arsyeja madhore pse kam vendosur të tërhiqem nga kandidimi për Bashkinë e Krujës në emër të PD. Por kjo nuk do të thotë se do të largohem nga fusha e betejës!

Do të kërkoj çdo votë për logon e Partisë Demokratike, sepse demokratët dhe qytetarët meritojnë të përfaqësohen sa më shumë dhe sa më mirë nga një parti e pakapur nga oligarkët, që nuk është në listën e zezë të SHBA.

Jam i bindur se beteja jonë për 14 majin nuk duhet dhe, të paktën, në Krujë; nuk do të jetë një betejë mes vetes, por vetëm me qeverinë!

Në Krujë, të gjithë e njohin përpjekjen time personale përpara Primareve, por edhe pas tyre, që të kishim një proces të përbashkët dhe gjithëpërfshirës. Kërkova të bashkohemi, por planet e zotit Berisha ishin të ndryshme. Para bashkimit të demokratëve kunder Edi Ramës, Sali Berisha vendosi përçarjen tonë me qëllim bashkepunimin me Ilir Metën.

Me tërheqjen time nga gara për kryetar bashkie dua të përcjell një mesazh për qytetarët e Krujës, Fushe Krujes, Nikles, Thumanes, Bubqit dhe Malesise në 14 Maj, votoni listën e këshilltarëve me logon e Partisë Demokratike. Ka mbaruar koha kur ne falim pushtet, qoftë Edi Ramës, qoftë Ilir Metës. Është koha për të forcuar Partinë Demokratike dhe për të siguruar të ardhmen e saj!

Me respektin me te madh per ju Sabah Sheta!