21 urdhër-arreste/ Hashashi me origjinë nga Siria, heroina nga Turqia, SPAK jep detaje të aksionit

SPAK sot ka dhënë detaje lidhurme 21 urdhër arresteve të lëshuara pas hetimit që është bërë në bashkëpunim me palën italiane ku u konstatua se grupi kriminal trafikonte lëndë narkotike.

Prokurori Vladimir Mara saktësoi se nga 21 masa sigurimi personal, 20 u ekzekutuan dhe një person është në kërkim ndërkombëtar.

“Janë vendosur 21 masa sigurie. Janë sekuestruar mjete luksoze, pajisje kompjuterike etj. Më e rëndësishmja është që të gjithë sekuestrimet e lëndëve narkotike janë kryer në territorin e Shqipërisë. Kemi bërë edhe hetim pasuror për të gjithë anëtarët e grupit kriminal. Ka edhe persona që i është komunikuar edhe një masë e dytë sigurie sepse kanë qenë të prangosur. Hashashi ishte me origjinë nga Siria, heroina nga Turqia; ndërsa kokaina nga vendet e origjinës, me destinacion vendet e BE. Nuk kemi konstatuar episode kultivimi kanabisi në vendin tonë,” tha Prokurori Vladimir Mara i bindur po aq sa Kryeministri Edi Rama dhe Saimir Tahiri në epokën e tij.