Pas debatit të ashpër parlamentar, Nikolla merr urdhër: Nesër, seancë e posaçme për Ahmetajn!

Pas debateve të ashpra për çështjen e arrestimit të Arben Ahmetajt, ku opozita që në fillim të seancës plenare kërkoi që të futet në rend të ditës çështja Ahmetaj, Kryetarja e Parlamentit Lindita Nikolla siç duket mori urdhër të ri nga kreu i mazhorancës që rrëzon atë të parin.

Në Konferencën e Kryetarëve u vendos që seanca për votimin e kërkesës së SPAK për të dhënë autorizimin për arrestimin e ish-zv/kryeministrit Arben Ahmetaj do të mbahet nesër.

Në seancën e posaçme e cila do të mbahet nesër me fillim në orën 10:00, pritet të prezantohen dy raporte për këtë çështje.

Ndryshe, pas debateve të ashpra më e humbura rezultoi të jetë avokatja e devotshme e politikës kriminale të Edi Ramës, deputetja e PS, Ermonela Felaj, për të cilën qytetarët shqiptarë mësuan nga deputeti i PD, Gazment Bardhi, se është gjobaxhie, hajdute, pushtuese e Prokurorisë Tiranës, pjesë e Dosjes Inceneratorëve, bashkëshorti i së cilës ka marrë ryshfet 1.5 mln euro nga katër biznese!