Berisha: Të nxirren jashtë rendit të ditës, ligjet për Akademinë, studentët dhe legalizimin e kanabisit

Ndonëse nuk ishte pranuar nga mazhoranca në Konferencën e Kryetarëve, që në fillim të seancës plenare opozita e bëri të qartë se seancë plenare pa interpelancën me Kryeministrin Edi Rama rreth inceneratorëve nuk ka!

Kryetari i Partisë Demokratike, Sali Berisha, teksa kërkoi që Edi Rama të vijë në sallën e parlamenti dhe të sqarojë shqiptarët për arratisjen e numrit dy të qeverisë dhe i kërkoi atij të japë dorëheqjen,

Madje Sali Berisha saktësoi kërkesën opozitare me nxjerrjen menjëherë jashtë rendit të ditës të seancës plenare tre ligjet e sjella me urgjencë nga mazhoranca e Partisë Socialiste: Ligji për Akademinë, Ligji për studentët e mjekësisë dhe Ligjin për legalizimin e kanabisit.

“Nuk mund të kalojë ligji i kanabisit sepse është një rrezik madhor për sigurinë e Shqipërisë, për sigurinë e rajonit, për sigurinë e BE-së. Është rrezik madhor. Rrit në progresion gjeometrik, potencial eksportin e krimit nga Shqipëria në rajon, BE dhe në botë,” tha kryetari i PD-së, Sali Berisha.

Në fund, Kryetari i pranuar nga Edi Rama i Grupit Parlamentar të PD, Gazment Bardhi, propozoi të mblidhet Konferenca e Kryetarëve për të shqyrtuar kërkesën e opozitës dhe drejtuesja e seancës, Nënkryetarja Ermonela Felaj dha 30 minuta pushim.

Fjala e plotë:

Të dashur qytetarë dhe qytetare!

Kjo që ndodh sot në ditën e fundit të parlamentit, është jashtë çdo lloj ligji, morali e rregulli. Këta vendosin me cinizëm ekstrem të dënojnë shqiptarët, të dënojnë studentët dhe de fakto të mbyllin Fakultetin e Mjekësisë.

Unë ju them këtu, se pas çerek shekulli në Mjekësi, po të isha student kurrë nuk do të regjistrohesha në një fakultet që do të më impononte këtë që doni të impononi ju atyre. Ky është një shkatërrim që i bëni ju sistemit shëndetësor dhe është absolutisht në përputhje të plotë me doktrinën e Çubrilloviçit të shpërnguljes masive të shqiptarëve nga Shqipëria.

Turp e një mijë herë turp!

Shkoni tek mjetet e diktaturës për të zgjidhur problemin numër 1, që është problemi i shëndetit të qytetarëve.

Së dyti, ligji i Akademisë është historia  më e turpshme në 30 vite. E thashë dhe dje; veproni si ata në shpellën e Borizanës, për të zgjatur mandatin e një njeri që nuk meriton të jetë një ditë dhe që është produkt i një marrëveshje kriminale, mes Edi Ramës dhe Tom Doshit.

Ju veproni në këtë mënyrë.

Do të rikujtoj këtu se keni qenë një pjesë e madhe e juaja këtu, kur ai kryetari i juaj që tani është mbatharak, më është drejtuar në këtë sallë duke më kërcënuar se do të më hiqte titullin e profesorit. Me të vetmen gjë që isha dakord me të.

Po çfarë duam ne, që kemi 30 vite që jemi larguar nga shkenca, që nuk bëjmë një ditë studim, që nuk kemi asnjë kontribut në shkencë, por merremi me politikë, ti zëmë vendin atyre që studiojnë nga mëngjesi deri në darkë. 

Po Gjinushi, çfarë politike ka bërë, çfarë studimesh ka bërë.

Marrëveshjen me Tom Doshin. Po ka  histori më të turpshme. E justifikoni këtu me Ismail Kadarenë. Hajdeni të vendosim me ligj, Ismail Kadareja anëtar i përjetshëm i Akademisë. Por të krahasosh Gjinushin me Ismail Kadarenë është njëlloj si të krahasosh atë Rrajën me shkopinj në dorë, me pastorin të themi këtu, kur është në kishë e jo në parlament. Se këtu në parlament e harron biblën dhe merret me manifestin.

Së fundi. Do të falni zonjë. Nuk kë faj ti që deklaron se, asnjë qindarkë nuk kalon nga buxheti i shtetit, nuk të vë faj, se djegësat ua kanë shuar me memorien, ua kanë zhdukur moralin pjesës dërmuese të kësaj qeverie dhe e kanë shndërruar në organizatë kriminale.