SHBA- vlerëson angazhimin e Kosovës në luftën kundër ekstremizmit
Zv/Ndihmës Sekretari amerikan i Shtetit për çështjen e Parandalimit të Konflikteve, Pete Marocco, sot në takim me Kryeministrin e Kosovës, Ramush Haradinaj e ku ishte prezent edhe ambasadori amerikan Greg Delawie, ka vlerësuar angazhimin e Kosovës në parandalimin e ekstremizmit duke theksuar përkushtimin e qeverisë për paqen e qëndrueshme në vend dhe rajon.
“Kosova ka dëshmuar përkushtimin e saj që të parandalojë dhe luftojë ekstremizmin në vend dhe ky angazhim do të vazhdojë”, tha ai.
Haradinaj nga ana e tij shtoi se anëtarësimi në INTERPOL do të ndihmonte jo vetëm Kosovën, por edhe rajonin dhe BE-në në fuqizimin e sigurisë dhe se për këtë është e nevojshme edhe ndihma e SHBA-ve.
Ai e ka falënderuar zyrtarin e SHBA-së Marocco për ndihmën e vazhdueshme të Shteteve të Bashkuara të Amerikës dhënë Kosovës në të gjitha etapat e shtetndërtimit.
Zv/Ndihmës Sekretari amerikan i Shtetit për çështjen e Parandalimit të Konflikteve, Pete Marocco, theksoi përkushtimin e SHBA-ve për të ndihmuar Kosovën në të gjitha proceset e rëndësishme për vendin, derisa çmoi angazhimin konkret të Kosovës në luftimin e ekstremizmit dhe terrorizmit.
