Liburn Aliu: Po investojmë në sigurinë rrugore

Ministri i Infrastrukturës dhe Ambientit, Liburn Aliu, vlerësoi sot se siguria në Trafikun Rrugor vazhdon të jetë një nga çështjet më problematike në Kosovë.

Përmes rrjetit social Facebook, Libur Aliu thekson se nga viti 2017, rreth 37% e territorit të Republikës së Kosovës ka qenë e pambuluar me kontrata të sinjalizimit vertikal e horizontal.

Me shtatë kontrata aktive, vlerëson ministri Aliu, do të mbulojmë tërë territorin e Kosovës, me sinjalizim vertikal, horizontal dhe pajisje tjera të sigurisë rrugore, duke punuar kështu çdo ditë për përmirësimin e sinjalistikës në dobi të të gjithë qytetarëve.

Ndërkohë Ministri i Infrastrukturës dhe Ambientit i Kosovës ka bërë të ditur se ka filluar puna për ndërtimin e kyçjes në Autostradën “Arbën Xhaferi”, për të gjithë qytetarët e Vitisë.

“Volume të shtuara në terren për  ndërtimin e kyçjes në Autostradën “Arbër Xhaferi”, për të gjithë Qytetarët e Vitisë, ku përmes kësaj kyçje, do të zgjidhim kështu një problematikë shumëvjeçare të banorëve të Vitisë dhe zonave përreth,” shprehet Aliu.

Me këtë rast Ministri i Infrastrukturës dhe Ambientit i Kosovës, Liburn Aliu thekson se punimet në projektin “Ndërtimi i kyçjes në Autoudhën R-6 “Arbër Xhaferi” në Viti, pritet të përfundojnë në afatin e përcaktuar sipas kontratës, për 175 ditë pune dhe aktualisht është duke u punuar në Aksin 4, Dalja nga Kaçaniku, dhe Aksin 5, Kyçja e Vitisë në drejtim të Prishtinës.