Terroristi i vrarë serb, Sveçla: Truproje e shefit të shërbimit sekret serb, BIA
Ministri i Brendshëm i Kosovës, Xhelal Sveçla duke vazhduar sot me shpalosjen e dëshmive mbi implikimin e Serbisë në sulmin terrorist në Banjskë ku mbeti i vrarë policis Afrim Bunjaku, sot sjellë që dëshmojnë se njëri nga terrositët e vrarë serb është Bojan Mijailoviç, trupëroja i shefit të shërbimit sekret serb, BIA, Aleksandar Vulin.
“Shteti i Serbisë është këmbë e krye i përfshirë në këtë sulm terrorist me qëllim destablizimin e Republikës së Kosovës. Për këtë gjë tashmë ekziston edhe lidhja formale e strukturore e përfshirjes së Aleksandar Vuçiq në sulmin e 24 shtatorit në Banjskë të Zveçanit: Milan Radojçiq, si nënkryetar i Listës serbe dhe trupëroja e Aleksandër Vulinit, shef i BIA-s. Të dy këta po ashtu të sanksionuar në listën e zezë të SHBA-ve,” shprehet Xhelal Sveçla në reagimin e tij përmes rrjetit social Facebook duke fol për dy njerëzit më të afërt të Presidentit të Serbisë, Aleksandar Vuçiç, ndërsa shprehu edhe njëherë mirënjohje për qendresën e Policisë së Kosovës ditën e sulmit terrorist të 24 shtatorit dhe për profesionalizmin e pashoq, aksion në të cilin nuk është lënduar asnjë civil.
Reagimi:
Dje përmes video-pamjeve dëshmuam prezencën e kryekriminelit dhe udhëheqësin e aksionit terrorist Milan Radojiçiq. Ndërkaq, sot është konfirmuar që njëri nga të vrarët që ishte po ashtu pjesëmarrës i atij akti është edhe Bojan Mijailoviq, trupëroja e shefit të BIA-s serbe, Aleksandar Vulin, në vizitën e tij në Republikën e Kosovës në vitin 2013.
Shteti i Serbisë është këmbë e krye i përfshirë në këtë sulm terrorist me qëllim destablizimin e Republikës së Kosovës. Për këtë gjë tashmë ekziston edhe lidhja formale e strukturore e përfshirjes së Aleksandar Vuçiq në sulmin e 24 shtatorit në Banjskë të Zveçanit: Milan Radojçiq, si nënkryetar i Listës serbe dhe trupëroja e Aleksandër Vulinit, shef i BIA-s. Të dy këta po ashtu të sanksionuar në listën e zezë të ShBA-ve. Të dy këta nga njerëzit më të afërt të presidentit të Serbisë.
Këto fakte janë dëshmi tjetër se synimet e Serbisë ndaj Republikës së Kosovës nuk kanë ndryshuar aspak nga koha e regjimit të Millosheviqit, ish-ministri i Propagandës së atij regjimi, tash president i regjimit aktual në Serbi. Edhe optimistët më të mëdhenj që deri tash e kanë gënjyer veten për ndryshimet në këtë shtet besoj janë bindur për të kundërtën këto ditë.
Dua të shpreh edhe njëherë mirënjohje për qendresën e Policisë së Kosovës atë ditë dhe për profesionalizmin e pashoq, aksion në të cilin nuk është lënduar asnjë civil.
