Seancë plenare, sot opozita i përgjigjet Edi Ramës
Në seancën e sotme plenare të Parlamentit të Shqipërisë, kur institucionet shqiptare janë mbushur me bashkëpunëtorë të Sigurimit të Shtetit dhe për këtë kontribut Autoritetit të Dosjeve pritet ti miratohet ndryshimi i strukturës, organikës dhe klasifikimit të pagave, pritet dhe jetësimi i paralajmërimit të opozitës shqiptare me aksionin në parlament dhe kudo për ti dhënë përgjigje Edi Ramës.
“Opozita de facto është përjashtuar nga parlamenti si opozitë sovrane, që në përputhje me kushtetutën i takon të përmbushë detyrimet ndaj qytetarëve që kanë votuar kundër qeverisë.
Por me vendimet antikushtetuese të Edi Ramës, i cili ka marrë përsipër për herë të parë në histori ti emërojë bashkëkryetarin që do ai opozitës dhe jo atë që zgjedh opozita vetë. Ti emërojë dhe ti rrëmbejë edhe postin e kryetarit të grupit parlamentar. Me bllokimin total të çdo nisme hetimore, parlamentare që është një mision kushtetues të opozitës.
Pas komisionit të inceneratorit, Edi Rama nuk lejon ngritjen e asnjë komisioni pasi çdo komision shkon tek ai dhe familjarët e tij. Prandaj opozita do të nisë aksionin e saj, në parlament dhe kudo për ti dhënë përgjigje Edi Ramës,” tha dje Kryetari i Partisë Demokratike, Sali Berisha.
Ndryshe, seanca e sotme plenare e cila pritet të fillojë në orën 10:00 ka këtë Rend të Ditës:
