“Alarmi Zelenskyy”, Kearns: Kemi përgjegjësi për Ballkanin, për Kosovën paralajmërova në qershor

Kemi përgjegjësi historike Ballkanin! Kështu u shpreh deputetja britanike, Alicia Kearns, pas alarmit të djeshëm të Presidentit të Ukrainës, Volodymyr Zelenksyy, se Rusia po planifikon luftë të re, e në rrezik është Ballkani!

Duke rikujtuar se kishte paralajmëruar që muajin qershor se çfarë mund të shohim në Kosovë, por u hodh poshtë, fatkeqësisht, thotë Kearns përmes rrjetit social X duke e shoqëruar me një vido, këto shqetësime u bënë realitet.

I’ve warned repeatedly that we need to find our backbone in the Balkans & not repeat failures of deterrence.

The Balkans is our backyard & we have historic responsibilities.

I warned in June of what we might see in Kosovo but was rubbished.

Sadly my concerns were realised. https://t.co/yZ82EoSnGS

— Alicia Kearns MP (@aliciakearns) November 16, 2023

“Kam paralajmëruar vazhdimisht se ne duhet ta gjejmë përkushtimin tonë në Ballkan dhe të mos përsërisim dështimet e parandalimit. Ballkani është në fqinjësinë tonë dhe kemi përgjegjësi historike. Unë kam paralajmëruar në qershor se çfarë mund të shohim në Kosovë, por u hodh poshtë. Fatkeqësisht, shqetësimet e mia u bënë realitet,” thekson Alicia Kearns përmes rrjetit social X.

Ndryshe, në fillim të muajit korrik, deputetja britanike Kearns alarmoi nga Parlamenti Britanik se në kishat ortodokse serbe në Kosovë ka armë të kontrabanduara nga Serbia. Në fund të muajit shtator, një grup i armatosur serbë vranë policin Afrim Bunjaku në Banjskë të Zveçanit dhe u strehuan në Manastirin e Banjskës.

Ndërkohë dje, Zelenskyy ka bërë thirrje për më shumë vëmendje për Ballkanin, përfshirë Kosovë, pasi që ka informacione se Rusia po planifikon që ta nisë një luftë për ta larguar vëmendjen nga Ukraina.