Dëshmi rrëqethëse/ Si u gjetën trupat e pajetë të 26 personave kapur dorë për dore…

Një dëshmi e rëndësishme hedh dritë mbi atë që ka ndodhur me të vërtetë në vendin, ku u gjetën të vdekur 26 njerëz, kufomat e të cilëve janë identifikuar nga orët e para të ditës nga ana e vullnetarëve të Kryqit të Kuq.

Një pronar i banesave të përfshira nga flakët në zonën e Atikas në Athinë,  duke folur për zougla.gr shpjegoi se çfarë ndodhi me të vërtetë.

Ai rrëfen se bashkë me dy djemtë e tij panë një grup prej 20-26 burra duke u përpjekur për të gjetur një mënyrë për t’i shpëtuar rrezikut ndërkohë që flakët po afroheshin.

Pronari dhe bijtë e tij treguan se arritën të shpëtonin duke iu drejtuar detit ku morën anijet e Gardës Bregdetare. Të gjithë arritën të mbijetonin, por njëri prej tyre theu këmbën.

Duke parë ekipin e udhëhequr nga pronari dhe fëmijët e tij, një grup prej 20-26 personash i ndoqën ata, por humbën orientimin e tyre dhe nuk arritën të shpëtonin.  Ata ishin bllokuar në shtëpinë ku u gjetën të pajetë.

” Disa u gjetën afër oxhakut, të tjerë brenda shtëpisë dhe të tjerë në verandë”,  tha pronari i cili e përshkroi tragjedinë.

Ai gjithashtu shtoi se “askush nuk e di nëse ata ishin familje, edhe pse shumë prej tyre u gjetën të kapur dorë për dore”.

Kujtojnë se këtë mëngjes ekipet e shpëtimit gjetën 26 kufoma në fushë dhe vlerësimet e para treguan se ata ishin turistë që kishin shkuar në një tavern.

Të paktën 60 njerëz kanë vdekur në një nga fatkeqësitë më vdekjeprurëse natyrore që kanë goditur Greqinë për dekada të tëra. Ndërsa ekipet e shpëtimit janë atje për të identifikuar të mbijetuarit, ekziston frika për gjetjen e kufomave të tjera.

Të martën u bë e njohur se janë zbuluar katër kufoma në makina, katër në shtëpi dhe dy në kodër në këtë zonë.

Sipas informacioneve zyrtare nga policia, janë plagosur 156 të rritur, prej të cilëve 11 janë në gjendje kritike.

16 fëmijë janë të lënduar, por ata kanë shpëtuar nga rreziku.