Ish-Kryetarja socialiste e Bashkisë Libohovë dënohet me 1 vit burg, rezulton jashtë shtetit

Gjykata e Posaçme Antikorrupsion, GJKKO, ka dënuar sot Ish-Kryetaren e Bashkisë Libohovë, Luiza Mandi, nga Partia Socialiste, me 1 vit burg, dhe duke përfituar nga gjykimi i shkurtuar dënimi i konvertohet me 8 muaj.

Luiza Mandi akuzohet nga SPAK për “shpërdorim detyre”, pas një kallëzimi që u depozitua nga një qytetar, i cili denoncoi zhvillimin e një projekt nga Bashkia për zgjerimin e rrugës, në pronat e familjarëve të tij.

Qytetari kishte marrë premtimin nga vetë Kryetarja e Bashkisë se pronat do të riktheheshin në gjendjen fillestare, por kjo nuk ka ndodhur.

Pas këtij kallëzimi, SPAK sekuestroi projektin dhe konstatoi se nuk është zbatuar procedura e shpronësimit, që familjes kallëzuese i sjell dhe dëm ekonomik me vlerë prej 362.480 lekë.

Ndryshi, gjyqi ndaj Luiza Mandit është kryer në mungesë, pasi rezulton se ajo është jashtë territorit shqiptar.