Një këngëtare e bën nul vizitën e Emmanuel Macron në Serbi!

Kot u mundua Presidenti i Serbisë, Aleksandar Vuçiç, të ekzagjeroj qëllimin e vizitës së Presidentit të Francës, Emmanuel Macron, më 29 e 30 gusht në Beograd, duke fol për shtetin serb në dhjetë vitet e ardhshme me centrale bërthamore e avionë luftarak francez “Rafale”!

Kot vazhdon të jetë në subkoshiencën e komunistëve shqiptarë Serbia si superfuqi dhe Zot i Ballkanit!

Kur, një këngëtare e vetme kroate e shembi këtë kullë kriminale prej letre duke i vënë në gjunjë jo me kërcënime radioaktive ose avion luftarak francezë, por, se do të hap gojën dhe do të tregoj ato që di për Presidentin dhe Ministrin e Brendshëm të Serbisë, si dhe Kishën Ortodokse Serbe!

Dhe, të gjithë u zbythën!

Gjithçka filloi me 25 Gusht kur në kufirin kroato-serb, këngëtarja e njohur kroate Severina Vuçkoviç u ndalua, u mor në pyetje nga shërbimi sekret serb, BIA, për katër orë – 19:35 – 23.35, dhe pasi u pyet për pikëpamjet e saj rreth gjenocidit në Srebrenicë, kampin nazist në Jasenovc, ish-presidentin Franjo Tuxhman, operacionin “Stuhia”, dhe protestën e fundit të opozitës serbe kundër minierës së litiumit në Serbi, ndonëse u la të futej në shtetin serb, ajo e refuzoi dhe para mediave ishte e prerë:

“Kurrë më nuk do të shkoj në Serbi, derisa diktatori është në pushtet!”

Ndërsa dihej se Severina kishte mbështetur hapur opozitën serbe dhe protestën e tyre kundër hapjes së miniserës së litiumit, si dhe i kishte bërë thirrje popullit serb ta pranojnë realitetin dhe gjenocidin që ndodhi në Serbi, nuk dihej që llapaqeni i Presdientit të Serbisë, promovuesi i “Botës Serbe” dhe miku më i ngushtë serb i kriminelit Vladimir Putin, Zv/Kryeministri i Serbisë, Aleksandar Vulin, paska hartuar një listë të personave të padëshiruar për shtetin serb, që nuk do të lejohen të futen në Serbi!

“Listat i kam bërë unë si ministër i Policisë dhe drejtor i BIA-s, bazuar në ligj dhe ndërgjegje. Më vjen keq që nuk u jam përkushtuar më shumë, sepse po shoh se sa njerëz të poshtër janë harruar. Presidenti i Serbisë, Aleksandar Vuçiç, nuk është pyetur dhe nuk është dashur të pyetet për këtë,” tha Aleksandar Vulin duke u mburrur se në listë janë persona që kanë kënduar ose folur për Serbinë në një kontekst të keq, madje dhe deputetë nga Parlamenti i Malit të Zi të cilët kanë votuar për Serbinë gjenocidiale, pa e kuptuar se ku ishte nis Severina të këndoj dhe ndonëse ajo është këngëtare ka informacione shumë më shumë se sa një hajvan si Vulin që ishte edhe shef i shërbimit sekret serb, BIA.

Severina edhe kur u ndalua ishte e qartë para udbashëve të Vuçiçit se në Srebrenicë serbët kishin kryer gjenocid, dhe, këtë nuk e thotë vetëm ajo:

“Pse nuk arrestuat kancelarin gjerman Olaf Shcolz kur vizitoi Serbinë, meqë Gjermania inicoi dhe votoi Rezolutën për Srebrenicën në OKB,“ tha Severina ndërsa u mor në pyetje nga udbashët e Vuçiçit në orët e vona në vendkalimin kufitar, për të cilët kjo nuk ishte asgjë më shumë se sa një procedurë e rregullt e policisë serbe, për çdo gjë që konsiderohet e dyshimtë.

Ndonëse ato që tha Aleksandar Vulin nuk i përgënjeshtroi as Presidenti i Serbisë, Aleksandar Vuçiç, dhe as Ministri i Brendshëm, Ivica Daçiç, madje ky i fundit u tall me faktin se duhet të vendosin “polici muzikore”, asgjë nuk u ndërmor edhe kur Vuçiç “dënoi” ndalimin e këngëtares kroate, për të cilën tha se mendon të gjitha të këqijat.

“Këto janë budalliqe dhe plotësisht të panevojshme, jo për shkak të Severinës, për të cilën mendo të gjitha të këqijat, por mendoj se janë çmenduri. Ne duhet të dallojmë nga kroatët për gjithçka. Dhe, jo pak, por të dallojmë shumë. Sepse, ruajna Zot, që unë të udhëheq një shtet ku do të arrestojmë çdo njeri që këndon këngët e Tompsonit. Ruajna Zot, nga ai shtet që do të arrestojë çdo njeri që e don Bajan e Vogël. Me ata diçka nuk është në rregull dhe nuk dua të jemi të tillë.”

Por, gërvishtja e kësaj ngjarje nga disa gazetarë kroatë dhe serbë konfirmoi se vërtetë diçka nuk ishte në rregull, por, me shtetin e Serbisë dhe vetë Presidentin e saj, Aleksandar Vuçiç.

Severina që u shpall nga ky pushtet i SNS-së së Vuçiçit “armike e serbëve”, ishte nisur në një party të organizuar nga po kjo parti me një pagesë prej dhjetëra mijëra eurove, dhe kërcënoi hapur se nuk do të ishte mirë sikur ajo të hapte gojën si për Presidentin, Ministrin e Brendshëm dhe Qeverinë e Serbisë, ashtu dhe Kishën Ortodokse Serbe!

Pas këtij kërcënimi u vu në lëvizje i gjithë shteti serb, u anulua lista e llapaqenit Vulin dhe shërbimit sekret serb BIA, dhe, sot, në Serbi mund të hyjë edhe këngëtarja boshnjake Selma Bajrami, e cila u arrestua dhe u kryqëzua nga opinioni serb vetëm pse përshëndeti me duar duke formuar shqiponjën!

Kështu, shtrohet pyetja, nëse Presidenti i Serbisë, Aleksandar Vuçiç, mendon për dhjetë vjetët e ardhshme të shtetit serb, dhe është e drejtë e tij, çfarë i duhet centrali bërthamor dhe avionët luftarakë “Rafale” kur ai gjunjëzohet nga kërcënimi i një këngëtareje për pisëlliqet e njëzetë viteve të kaluara të ministrit të Informacionit dhe zëdhënësit të kriminelit Slobodan Milosheviç, si dhe Kishës më kriminale në botë, që bekoi publikisht luftëtarët serb të vrasin çdo joserbë, qoftë ai edhe foshnje në barkun e nënës ose fëmijë me duart e lidhura, siç ndodhi në Vukovar, Srebrenicë, Drenicë dhe shumë vendbanime tjera ku shkelën çizmet kriminale serbe!

Apo, kjo është pyetje që i duhet bërë Presidentit të Francës, Emmanuel Macron, që ringjallë miqësinë franko-serbe dhe armatos shtetin kriminal serb duke kërkuar paqe në Ballkan nga Albin Kurti që e akuzon se e ka “cenuar”, sot, kur Serbia dhe Presidenti i saj, Aleksandar Vuçiç, mbështesin dhe mburren me krimet e Slobodan Milosheviçit, në Vukovar, Srebrenicë, Drenicë…