PS djeg mandatin e Ervin Salianjit, opozita karriget e tyre në Parlament
Kryetarja e Parlamentit, Elisa Spiropali, njoftoi ndërprerjen e mandatit të deputetit të PD, Ervin Salianji, pasi u dënua me 1 vit burg, dhe, sipas saj, meqë vendimi ndaj Salianjit është i formës së prerë nuk ka pse të mblidhet Këshilli i Mandateve dhe Imunitetit.
Nuk kuptohet pse ky nxitim i Edi Ramës si për të çuar Ervin Salianjin e dënuar në Burgun e Fierit, ashtu dhe sot për t’i djegur mandatin pa proceduar formalitetet si me zbardhjen e vendimit të Gjykatës së Apelit ashtu dhe votimit për mandatin e tij në Këshillin e Mandateve dhe Imunitetit, si i vetmi organ që merr vendimin dhe ku Partia Socialiste është shumicë, por kaq mjaftoi që deputetët e opozitës të reagojnë dhe në pamundësi të ndikojnë në sjelljen e Spiropalit dhe Partisë Socialiste, të marrin karriget e tyre dhe ti vënë flakën para godinës së Kuvendit
Teksa karriget filluan të digjen, kreu i Grupit Parlamentar të PD, Gazment Bardhi tha se opozita nuk lufton për karrige në Kuvend, por për interesin publik.
“Edi Rama ka djegur parlamentin, ne dorëzojmë karriget tona duke i djegur ne të parët, sepse nuk jemi këtu për veten tonë, por jemi për qytetarët dhe interesin publik. Salianji denoncoi lidhjet e Fatmir Xhafajt me krimin. Karriget tona janë të qytetarëve. Edi Rama ka djegur parlamentin,” tha Gazment Bardhi.
Pas fjalës së Bardhit dhe tensioneve në parlament, nga parlamenti u dha 10 minuta pushim, për qetësimin e situatës.
Sekretari i Përgjithshëm i PD, Flamur Noka tha se aksioni i tyre është pasojë e luftës që kryeministri Edi Rama i ka shpallur opozitës, duke paralajmëruar skena të ngjashme edhe në seancat e ardhshme.
“Edi Rama nuk mund të likuidojë opozitën, opozita është sot në ballë të aksionit. Nuk do të kemi kompromis me mafian dhe krimin, ne jemi në betejë,” tha Noka, duke artikuluar si kërkesë të opozitës krijimin e një qeverie teknike.
Në kushtet e krijuara, të pamenaxhueshme nga Elisa Spiropali, pasi përjashtoi dhe Flamur Nokën, kur kishin kaluar vetëm 20 minuta ajo mbylli seancën e sotme plenare.
Në fund, Kryetarja e Parlamentit, Elisa Spiropali, pasi njoftoi Sekretarin e Përgjithshëm të PD, Flamur Noka se ishte i përjashtuar nga salla, paralajmëroi demokratët se aktet e tyre do të shoqërohen me pasoja.
Kapakun kësaj situate natyrshëm që do ti vinte burimi i gjithë kësaj të keqeje në Shqipëri, Kryeministri Edi Rama, i cili pasi arrestoi liderin e opozitës Sali Berisha, deputetin Ervin Salianji, dhe i mori mandatin me një sjellje harbute në seancë plenare, fajësoi opozitën në një takim me deputetët potencial të PS.
“Politika mes përpjekjes për t’u ngjitur në Europën e Bashkuar dhe zjarrvënies për t’u kthyer në gropën e shkuar,” thotë Edi Rama i cili falë kësaj grope që e hapi Partia Socialiste erdhi dhe u bë Kryetar i PS që të mos shoh zjarrin që i ka vënë Shqpërisë por zjarrit që i vunë deputetët e opozitës, karrigeve të tyre.
