PS djeg mandatin e Salianjit – opozita karriget e tyre, policia çon në SPAK 23 deputetë të opozitës!
Pas paralajmërimit të Ministrit të Brendshëm, Ervin Hoxha, se për të gjithë deputetët e opozitës pjesëmarrës në protestën e djeshme në Parlament ka mbledhur provat kundër tyre dhe dosjen do e dërgojë në SPAK, Policia e Shtetit bënë të ditur se ka referuar në Prokurorinë e Posaçme, 23 deputetë të opozitës.
“Ditën e djeshme, gjatë zhvillimit së seancës plenare, në Kuvendin e Republikës së Shqipërisë, këta shtetas (deputetë në Kuvendin e Republikës së Shqipërisë) kanë kryer veprime të dhunshme duke dëmtuar foltoren e Kuvendit, kanë thyer një karrike dhe kanë hedhur në drejtim të Kryetares së Kuvendit dhe anëtarëve të kabinetit qeveritar, sende të forta (pjesë të karriges së thyer). Gjithashtu kanë djegur disa karrige, në ambientet e jashtme të Kuvendit të Republikës së Shqipërisë. Materialet i kaluan Prokurorisë,” thekson Policia e Shtetit përmes një njoftimi duke akuzuar Flamur Nokën, Gazment Bardhin, Bledjon Nallbatin dhe 20 deputetë të tjerë të PD dhe partive opozitare për shkatërrim të pronës me zjarr dhe goditje për shkak të detyrës, parashikuar nga nenet 151 dhe 237 të Kodit Penal.
Ndryshe, Ministristri i Brendshëm, Ervin Hoxha, tha se “flakët e zjarrit, pasditen e djeshme, në dyert e Kuvendit të Shqipërisë, që është tempulli më i lartë i një sistemi demokratik, janë akt që përdhos ndjenjat e qytetarëve të këtij vendi,” por nuk sqaroi nëse është përdhosje e ndjenjave të qytetarëve dërgimi i deputetit Ervin Salianji pa u zbardhur vendimi i gjykatës, dhe pa vendos Këshilli i Mandateve dhe Imunitetit; Dhe, nëse është përdhosje e “tempullit më i lartë të një sistemi demokratik” kur Kryetarja e Parlamentit, Elisa Spiropali, i ndërpren mandatin deputetit të PD, Ervin Salianji, meqë ajo gjykon se vendimi me 1 vit burg ndaj Salianjit është i formës së prerë dhe nuk ka pse të mblidhet Këshilli i Mandateve dhe Imunitetit.
Njoftim:
Tiranë – Specialistët e Sektorit për Hetimin e Krimeve të Rënda në bashkëpunim me Komisariatin e Policisë Nr. 1 kanë referuar materialet në Prokurorinë e Posaçme kundër Korrupsionit dhe Krimit të Organizuar në ngarkim të shtetasve:
– Flamur Noka, 53 vjeç, banues në Tiranë, për veprat penale “Shkatërrimi i pronës me zjarr” dhe “Goditjet për shkak të detyrës”,
– Gazmend Bardhi, 38 vjeç, banues në Tiranë, për veprën penale “Goditjet për shkak të detyrës”, parashikuar nga neni 237 të Kodit Penal;
– Bledion Nallbati, 39 vjeç, banues në Tiranë, për veprën penale “Shkatërrimi i pronës me zjarr” parashikuar nga nenet 151 i Kodit Penal;
– Dhurata Çupi, 51 vjeçe,
– Flamur Hoxha, 56 vjeç,
– Xhelal Mziu, 57 vjeç,
– Lefter Geshtenja., 52 vjeç,
– Agron Gjekmarkaj, 50 vje
– Ina Zhupa, 37 vjeçe,
– Lindita Mataliaj, 47 vjeçe,
– Dashnor Sula 59 vjeç,
– Luan Baçi 61 vjeç,
– Lodovik Hasani 57 vjeç,
– Asllan Dogjani 57 vjeç,
– Elidon Bushati 51 vjeç,
– Erisa Xhixho 39 vjeçe,
– Sorina Koti 40 vjeçe,
– Sajmir Korreshi 43 vjeç,
– Edmond Spaho 66 vjeç,
– Kasem Mahmutaj, 62 vjeç,
– Vangjel Dule 56 vjeç,
– Monika Kryemadhi, 50 vjeçe;
– Isuf Celaj 60 vjeç, të gjithë banues në Tiranë, për veprën penale “Shkatërrimi i pronës”, parashikuar nga neni 150 i Kodit Penal.
Ditën e djeshme, gjatë zhvillimit së seancës plenare, në Kuvendin e Republikës së Shqipërisë, këta shtetas (deputetë në Kuvendin e Republikës së Shqipërisë) kanë kryer veprime të dhunshme duke dëmtuar foltoren e Kuvendit, kanë thyer një karrige dhe kanë hedhur në drejtim të Kryetares së Kuvendit dhe anëtarëve të kabinetit qeveritar, sende të forta (pjesë të karriges së thyer). Gjithashtu kanë djegur disa karrige, në ambientet e jashtme të Kuvendit të Republikës së Shqipërisë. Materialet i kaluan Prokurorisë.
