Të hënën në ora 18:00, Berisha: Marshim për qeveri teknike, zgjedhje të lira dhe Shqipëri pa persekutime politike!

Kryetari i Partisë Demokratike, Sali Berisha, e nisi sot konferencën për media me thirjen për ditën e hënë, në ora 18:00, të gjithë në marshim në Tiranë për qeveri teknike, zgjedhje të lira dhe një Shqipëri pa burgje dhe persekutime politike.

E pranoj se Edi Rama nuk e do qeverinë teksnike, por Kryetari i Partisë Demokratike garantoj se opozita nuk do heq kurrë dorë prej saj ndërsa kishte dhe një mesazh për Policinë e Shtetit.

“Së pari, dua të përsëris edhe njëherë thirrjen time dhe të PD për çdo demokrate e demokrat, për çdo opozitare e opozitar të vërtetë, për çdo qytetare dhe qytetar shqiptar, që beson tek vota e lirë, që beson se vullneti i tij duhet të respektohet, që beson tek Kushtetuta dhe shteti ligjor, që beson se Edi Rama në të gjithë qenien e tij është një armik i egër i votës së lirë.

Është një armik i egër i shtetit ligjor dhe demokracisë.

Se ai ka instaluar në Shqipëri autokracinë elektorale, në të cilën me industrinë e blerjes së votës, me shtetin e tij elektoral, me makinerinë gjigante të frikësimit të zgjedhësve, kontrollon njëlloj si në diktaturat ideologjike, vullnetin e qytetarëve shqiptarë,” tha Sali Berisha duke përsërit thirrjen:

“Thirrja ime është, ditën e hënë, në ora 18:00, të gjithë marshim në Tiranë për të drejtat tona më themelore.

Për një qeveri teknike dhe zgjedhje të drejta.

Kundër dhunës ndaj opozitës dhe arrestimeve politike.

Kundër vjedhjeve të pashembullta në historinë e këtij vendi nga personalisht Edi Rama dhe klani i tij kriminal.

Kundër narkoshtetit që ka shndërruar Shqipërinë në protektorat të mafies më të keqe të Europës.”

Kjo protestë, tha Kryetari i Partisë Demokratike, është protestë që buron nga idealet dhe ndërgjegjja e çdo qytetari shqiptar.

“Por edhe e çdo patrioti që e don kombin shqiptar dhe që e don Shqipërinë.

Çdo shqiptari patriot që nuk mund të pajtohet kurrë me qëndrimet prej argati të Beeogradit të Edi Ramës ndaj Kosovës.

Përpjekjet e tij për shpërbërjen e Republikës së Kosovës dhe ndarjes së saj.

Përpjekjet e tij për vendosjen e hegjemonisë serbe në rajon, një projekt i mirëfilltë ruso-serb.

Izolimin që ai i bëri Kosovës.

Dhe së fundmi, thikën e tmerrshme që kërkoi t’i fusë vlerës më supreme që ka kombi shqiptar, vlerës së tolerancës fetare dhe bashkëpunimit ndërfetar, duke krijuar shtetin e parë islamik në Europë, njoftim që bëri në OKB, ku u paraqit si Ajetollah Ramullahu dhe mahniti audiencën me atë që dëgjuan, por që në fakt kishte vetëm qëllimet më të liga, më djallëzore të vetat dhe të Beogradit ndaj shqiptarëve, qëllimet mafioze të një banke dhe pasaportave diplomatike për klanet e drogës dhe krimit shqiptar dhe ndërkombëtar,” tha lideri i opozitës duke e cilësuar ditën e hënë, ora 18, si radhën e qytetarëve, guximit, dhe idealeve tona.
“Është radha e fitores sonë.
Ndaj dhe ju ftoj nga të katër anët e vendit, por edhe vende të tjera, të bashkohemi në Tiranë në marshimin tonë për qeveri teknike, zgjedhje të lira, një Shqipëri pa burgje dhe persekutime politike.”

I bindur se Edi Rama nuk e do Qeverinë Teknike, Berisha garantoj sot se opozita nuk do të heq kurrë dorë nga kjo kërkesë:

“Më së pari, kur shpall një kauzë, duhet të jesh i sigurt, i ndershëm, i qartë se ajo është një kauzë e drejtë.
Dhe unë besoj se sot nuk ka shqiptar të ndershëm, shqiptar që është për respektimin e votës së lirë, që beson se Edi Rama lejon zgjedhje të lira.
Se mohon se Edi Rama ka krijuar një industri gjigante të blerjes së votës, një makineri gjigante të frikësimit me patronazhistët terroristë elektoralë, me banditët, vrasësit, trafikantët dhe mekanizma të tjerë të frikësimit të qytetarëve.
Pra, kjo është një kauzë e drejtë për të cilën ia vlen të luftosh dhe të sakrifikosh me të gjithë forcën për realizimin e saj.
Ne jemi të bindur se Edi Rama nuk e don këtë gjë, por ju garantoj se ne nuk do heqim kurrë dorë prej saj.
Kjo është e vërteta,” tha ai duke e bërë të qartë se ky është misioni kryesor i opozitës.
“Është shumë e drejtë që populli opozitar të presë nga opozita mbrojtjen e votës, por një opozitë demokratike nuk merr përsipër kurrë mbrojtjen me armë.
Një opozitë demokratike merr përsipër mbrojtjen me metoda demokratike dhe ne garantojmë se pa qeveri teknike, vota e qytetarëve ka vdekur para se të hyjë në kuti.
Ndaj dhe si një përpjekje të madhe qytetare dhe opozitare për mbrojtjen e votës së shqiptarëve, të shkojmë në qeveri teknike siç shkon Greqia në çdo zgjedhje dhe disa vende të tjera, të cilat i kanë harruar problemet elektorale, duhet të shkojë edhe Shqipëria në këtë drejtim në interesin më të mirë të paqes, stabilitetit në Shqipëri dhe zhvillimit të saj,” tha Kryetari i Partisë Demokratike e skenari i saktë të kësaj proteste do të merret vesh ditën e hënë në ora 18:00

“Skenarin e saktë të kësaj proteste do ta merrni vesh ditën e hënë në ora 18:00.

Po, në tërësi është konceptuar si një protestë në të cilën qytetarët me protestën e tyre i tregojnë regjimit se janë zotër të këtij vendi,” tha Kryetari i Partisë Demokratike, Sali Berisha i cili në fund kishte dhe një mesazh për Policinë e Shtetit:

“Mjerë ai që provokon qytetarët dhe zemërimin e tyre.

Ky është mesazhi im për çdo provokator, narkokomisar, narkopolic apo narkozyrtar.

Besoj se kjo ishte përgjigja për ta.”