Video/ Pushteti i Edi Ramës kthehet në identitet, FNSH drejton armën kundër deputetëve të opozitës

Pas tensioneve të stisura brenda dhe jashtë Parlamentit të Shqipërisë, në 77 vjetorin e vrasjes së deputetëve opozitarë nga paraardhësi i Edi Ramës, krimineli komunist Enver Hoxha, Forcat e Ndërhyrjes së Shpejtë, duke shkelur ligjin u futën në oborrin e Parlamentit të Shqipërisë, ku në përplasje me deputetë opozitarë që kundërshtuan këtë arrogancë të pushtetit, njëri nga pjesëtarët e FNSH kapi armën për ti drejtuar deputetit Luan Baçi por u pengua nga deputetët tjerë!

“Një punonjës i forcave speciale gjatë përballjes me protestuesit tek parlamenti i Shqipërisë, ka nxjerrë edhe armën ndaj deputetëve të opozitës, Luan Baçi dhe Bledion Nallbati,” thekson Partia Demokratike përmes një njoftimi duke e shoqëruar me video ndërsa deputeti Luan Baçi deklaroi se, po futej në parlament kur polici i u bë gati të nxirrte armën.

“Absolutisht po. Ne ishim duke shkuar në parlament dhe ata plehra që janë aty, polici nxorri pistoletën dhe më pas filloi të gjuante me atë,” sqaroi deputeti i PD-së, Luan Baçi.

Pas këtij veprimi, njëri nga zyrtarët e policisë largoi kriminelin me armë të FNSH dhe kolegët e tij që kishin shkelur ligjin, ndërsa tensioni që krijuan vazhdoi me reagimin edhe të qytetarëve që reaguan!

Më pas ka pasuar edhe përgënjeshtrimi nga Policia e Shtetit për drejtimin e armës zjarrit:

“Përgënjeshtrojmë lajmin që punonjës të Policisë, në tubim, iu kanë nxjerrë tubuesve, armët e zjarrit.

Policia e Shtetit është e vendosur për të garantuar të drejtën e tubimit, liritë dhe të drejtat e tjera të qytetarëve, si dhe pronën publike dhe atë private.

Ndërkohë, Policia e Shtetit do të kryejë të gjitha veprimet hetimore dhe shtetasit përgjegjës për veprimet e dhunshme ndaj punonjësve të Policisë, do të kallëzohen në Prokurori,” thekson Policia e Shtetit, por, pa pasur mundësi të zhdukin videodëshminë e shpërndarë nga Partia Demokratike ku shihet një horr me uniformë duke kapur armën!

Ndryshe, arma drejtuar një deputeti opozitar nuk është risi kur në pushtet janë komunistët, madje në 10 tetorin e vitit 1947, horrat paardhës së FNSH arrestuan dhe më pas me një gjyq të sajuar, pushkatuan pesë deputetë të opozitës nga 16 sa pushkatuan me urdhër të diktatorit Enver Hoxha!

Ky nuk është paralajmërim por konfirmim i arlamit që shumë kohë më parë e ka dhënë lideri i demokracisë, Azem Hajdari:

“Komunizmi nëse rron vret!”