“Krimi te Fan Noli”/ Prindërit në protestë, Edi Rama në Londër!
Pas krimit makabër para portës së shkollës ku mbeti i vrarë 14-vjeçari Martin Cani nga dora e bashkëmoshatarit të tij, prindërit që vazhdojnë të jenë në ankth për të ardhmen e fëmijëve të tyre në shkollën “Fan Noli” protestuan edhe sot duke shpalosur disa kërkesa drejtuar Qeverisë Rama!
Kërkesa kryesore e prindërve të shqetësuar ishte dorëheqja e ministres së Arsimit, Ogerta Manastirliu, të cilën e konsiderojnë përgjegjëse për dështimin në garantimin e sigurisë në shkolla, për të cilën ata edhe sot theksuan dhe mungon, dhe kërkuan veprime konkrete për të parandaluar përsëritjen e incidenteve të tilla.
Ndërkohë që prindërit e shqetësuar të fëmijëve te shkolla “Fan Noli” kërkojnë ndërgjegjësim dhe një përgjigje të menjëhershme nga Qeveria Rama, vetë Kryeministri Edi Rama shihet se nuk është i shqetësuar për krimin që ka përmbytur shkollat, por një tjetër çështje në prag të zgjedhjeve të vitit 2025, votën e diasporës!
“Radha e takimit me shqiptarët e Britanisë së Madhe, në rrugën drejt Shqipërisë 2030. Londër, e diel 24 Nëntor, ora 12:00!” shprehet Edi Rama përmes rrjetit social Facebook.
Ndërsa radha e prindërve të shqetësuar t eshkolla “Fan Noli” është një protestë që do të zhvillohet ditën e hënë, në orën 17:00, për të kërkuar drejtësi për Martin Canin dhe për të shprehur shqetësimin mbi dhunën në institucionet arsimore!
