Rikthehet liria për Sali Berishën, GJKKO revokon masën “arrest shtëpie”

Gjykata e Posaçme e Shkallës së Parë për Korrupsionin dhe Krimin e Organizuar, GJKKO, vendosi të revokoi masën “arrest shtëpie”, duke e lënë përfundimisht liderin e opozitës, Sali Berisha, në liri!

11 Muaj pas masës së paligjshme të sigurisë, kur Kryetari i Partisë Demokratike u detyrua ti drejtohet Gjykatës së Strasburgut dhe ajo e mori në shqyrtim me prioritet, Gjykata e Posaçme vendosi ndërkohë që të heq masën “arrest shtëpie” për Sali Berishën.

“Sot gjykata revokoi masën e arrestit të shtëpisë, si një masë që nuk ka as kushte as kritere për caktimin e saj, dhe nga sot Sali Berisha është lirë dhe nuk ka asnjë masë sigurie ndaj tij.

Nuk ka asnjë masë tjetër sigurie.

Unë nuk mund të relatoj dosjen ju, por gjykata konstatoj se për Sali Berishën nuk ekzistojnë kushtet dhe kriteret për asnjë lloj mase sigurie.

Prokuroria kërkoi që të qëndronte në arrest shtëpie. Kjo ishte kërkesa jonë, që kur kemi depozituar kërkesën.

Këto kërkesa për revokim mase shqyrtohen brenda 5 ditëve dhe gjyqtarja caktoi dhe seancën,” tha avokati Genc Gjokutaj ndërsa për morinë e pyetjeve pa ndërprerë nga gazetarët e mediave në shërbim të Kryeministrit Edi Rama, kishte vetëm një përgjigje:

“Mos u mërzitni!”

Ndryshe, revokimi i masës “arrest shtëpe” është bërë nga gjyqtarja Flojera Davidhi.

Sali Berisha u vendos nën masën “arrest shtëpie” më 30 dhjetor të vitit të kaluar, pasi SPAK ngriti ndaj tij akuzën për korrupsion pasiv në bashkëpunim për privatizimin e ish-kompleksit Partizani.