Lideri i opozitës në liri, GJKKO sqaron vendimin për Sali Berishën

Pas vendimit nga Gjykata e Posaçme e Shkallës së Parë për Korrupsionin dhe Krimin e Organizuar, për revokimin e masës “arrest shtëpie”, për liderin e opozitës, Sali Berisha, i cili u bë publik avokati i Kryetarit të Partisë Demokratike, është dhe vetë GJKKO e cila nisur nga interesi i madh publik që njofton për këtë vendim.

“Sot më datë 27.11.2024 Gjykata e Posaçme e Shkallës së Parë për Korrupsionin dhe Krimin e Organizuar, bazuar në nenet 228, 229, 230, 237 dhe 260 të K.Pr.Penale ka vendosur pranimin e kërkesës së kërkuesit/ të pandehurit Sali Berisha dhe revokimin e masës së sigurimit personal me karakter shtrëngues ‘arrest shtëpie’,” thekson GJKKO në njoftimin zyrtar me marrjen e vendimit për revokimin e masës “arrest shtëpie”.

Ndryshe, Kryetari i Partisë Demokratike, Sali Berisha, u vendos nën masën “arrest shtëpie” më 30 dhjetor të vitit të kaluar, pasi SPAK ngriti ndaj tij akuzën për korrupsion pasiv në bashkëpunim për privatizimin e ish-kompleksit Partizani.

11 Muaj pas masës së paligjshme të sigurisë, kur Kryetari i Partisë Demokratike u detyrua ti drejtohet Gjykatës së Strasburgut dhe ajo e mori në shqyrtim me prioritet, vjen vendimi i Gjykatës së Posaçme i cili heq masën “arrest shtëpie” për Sali Berishën.