Atë që e kishte nëpër mend t’ia thotë Erion Velisë, Ndrenika i thotë Bashës: Eja t’i vëmë minat kullës tek stadiumi “Qemal Stafa”!

Pas dështimit të projektit të Erion Velisë me ndërtimin e Teatrit të ri Kombëtar, aktori i njohur Robert Ndrenika u vë në rresht për të reaguar kundër të gjithë atyre që mbështesin Dekretin e presidentit që ktheu mbrapsht Ligjin.

I pari në shënjestër, kush tjetër do të jetë përveç se kryetari i PD, Lulzim Basha. Përmes një statusi në rrjetin social Facebook, duke ju përgjigjur Lulzim Bashës, ai përveç se e sqaron, i tregun kreut demokrat se Erion Veliaj paska “besë” dhe qenka madje edhe “shqiptar”.

Dhe atë që nuk ja kishte thënë dot këtij shqiptari që paska edhe besë, ia tha publikisht kryetarit të PD, Lulzim Basha:

“Në rast se shkelet kjo BESË(që nuk është e mundur) shpreh gatishmërinë për të marrë pjesë në aksionin e vendosjes së minave për të rrëzuar KULLAT. Për ta vërtetuar që nesër jam i gatshëm të minojmë kullën që ka ngritur PPP-ja të stadiumi Qemal Stafa.”

Ja dhe postimi i plotë:

I dashur Zoti Lulzim Basha ! Te falenderoj shume qe me hape syte dhe me rrite vigjilencen ne lidhje me bisedimet qe kam bere me Kryetarin e Bashkise per ndertimin e Teatrit te Ri Kombetar. Sic te kam bere me dije kam shkelur mbi vehten time dhe kam rene dakord qe Teatri te ndertohet me PPP (ndonse dhe sot jam i bindur se Teatrin e ka per detyre ta ndertoje SHTETI SHQIPTAR) E kam bere kete dakordesi me kushtin qe te mos jepet asnnje centimeter katror per ndertim KULLASH dhe per kete kam marre BESEN e SHQIPTARIT. Ne rast se shkelet kjo BESE(qe nuk eshte e mundur) shpreh gatishmerine per te marre pjese ne aksionin e vendosjes te minave per te rrezuar KULLAT. Per ta vertetuar qe neser jam i gatshem te minojme kullen qe ka ngritur PPP ja te stadiumi Qemal Stafa. Sa per Piramiden ka me teper se 10 vjet qe shoku Fatos Nano (ish Kryeminister) na e ka rekomanduar per Teater por ajo nuk i ploteson kushtet. Personalisht (pak a shume) i kam kryer detyrat por me vjen keq per te rinjte qe bien viktima te sherreve politike dhe qe ka shume gjasa ta ngrysin jeten artistike (ndoshta per 70 vjet te tjera) tek i ashtuquajturi “teater Turbina.

Me respekt Robert Ndrenika