Grupi i PD, Berisha: Do përgatisim çdo akt për desorosizimin e shpejtë të shoqërisë shqiptare

Kryetari i Partisë Demokratike, Sali Berisha, tha para deputetëve të Grupit Parlamentar se PD do përgatis çdo akt që do sjellë desorosizimin e shpejtë të shoqërisë shqiptare dhe që sot do dorëzohet ligji me të cilin sanksionohet se Republika e Shqipërisë njeh dy gjini, ato që i ka bërë Zoti, mashkull dhe femër.

Duke fol për shfaqjen e shtetit elektoral dhe anagzhimin e Edi Ramës në krime të mëdha elektorale, Kryetari i Partisë Demokratike garantoi se do përballen me mosbindjen civile.

“Së pari, dëshiroj t’u përshëndes ju për angazhimin shumë serioz që keni bërë në fushatën elektorale brenda dhe jashtë vendit dhe duke vlerësuar veprimtarinë tuaj, del qartë se nuk është vetëm radha jonë, nuk është vetëm stina jonë, por është edhe dallga jonë.
Shqiptarët çdo ditë e më shumë janë të bindur se në pushtet me datën 11 maj do të jetë PD.
Dhe, kjo është një përgjegjësi e madhe, por i garantoj me këtë rast se 100 ditët do jenë 100 ditët e transformimit rrënjësor të Shqipërisë.
Koha nuk pret, ndaj duhet të përgatiten të gjitha vendimet e 100 ditëve të para gjatë këtyre muajve para fushatës, në mënyrë që ato të firmosen në përputhje me Kushtetutën, si vendime qeverie apo akte normative, për të bërë realitet programin tonë transformues të Shqipërisë.

Është një domosdoshmëri e madhe, ka një diskreditim të madh kombëtar dhe ndërkombëtar të këtij regjimi.
Personalisht të Edi Ramës, i cili është i aftë të marrë çdo vendim, të marrë çdo akt dhe veprim për të siguruar karrigen e tij, pasi e di se në Europë, ai dhe Lukashenko dhe Putini janë tre kampionët e krimeve ndaj vendit të tyre.
Krimeve politike, por ky edhe të gjenocidit të butë ndaj shqiptarëve, përzënies së tyre nga vendi.
Në të gjithë përgatitjen tonë, është e domosdoshme një seri aktesh, vendimesh, të cilat sjellin desorosizimin e shpejtë të shoqërisë shqiptare.
Është fakt i pamohueshëm se në botë, kopshti eksperimental i Xhorxh Sorosit u bë Shqipëria.
PD nuk është një parti e ekstremit të majtë, por është një parti që i qëndroi fuqishëm.
Ndaj dhe ajo merr përsipër para shqiptaërve me akte dhe ligje të desorosizojë Shqipërinë.
Unë i bëra thirrje Aleksis Soros të mbyllë fondacionin në Shqipëri, sepse i jap fjalën, që javën e parë pas 11 majit do të mbyllet me dekret ligj që të mos shkelë më në Shqipëri.
Ky fondacion i ka bërë të këqija të mëdha Shqipërisë.
Është bërë mbështetës i ekstremit të majtë në Shqipëri dhe i kulturës uoke të shkatërrimit të familjes dhe identitetit gjinor.
Ndaj dhe në detyrimin tonë si forcë politike është përgatitje e të gjitha akteve dhe ligjeve që sjellin desorosofikimin e Shqipërisë.
Nuk ka një vend të dytë në Europë dhe botë që pësoi pasojat e superspekulantit, supercensorit. Xi Jinping dhe Vladimir Putin ushtrojnë censurë në vendet e tyre, kurse Xhorxh Soros me doktrinën e tij në mbarë botën.
Pra, a e imagjinoni ju që paratë e taksapaguesve financojnë censurë të SHBA.
Financojnë Fatmir Xhafën.
Financojnë Erion Braçen dhe zyra të tilla.
Ne nuk u bëmë pjesë e kësaj agjende në parlament dhe mbajtëm qëndrimin më të drejtë.
Por ne zotohemi se duke ruajtur absolutisht standardet më të mira të lirive dhe të drejtave njerëzore, të respektit të Kushtetutës, të drejtësisë së pavarur, por desorosizimi i Shqipërisë do jetë një objektiv madhor. Pasoja të paimagjinueshme,” tha Sali Berisha duke bërë të ditur se PD sot dorëzoLigjin me të cilin sanksionohet se Republika e Shqipërisë njeh dy gjini, mashkull dhe femër.

“Ne kemi përgatitur një ligj në kuadrin e desorosizimit që dorëzojmë sot, me të cilin sanksionojmë se Republika e Shqipërisë njeh dy gjini, ato që i ka bërë Zoti, mashkull dhe femër. Në mënyrë që t’i japim fund çdo lloj tentative dhe përpjekje.
Ligji tjetër me dënim ai që flet për Prindin 1 dhe Prindin 2. Do ketë sanksione.
Këto janë vetëm fillimet, këta e kanë shtrirë në shkolla, e kanë shtrirë në falsifikimin e historisë, uoke është bërë një rrymë e veçantë jo vetëm në media, por është degëzuar në shumë drejtime.
Lufta me kulturën uoke do jetë një betejë pa kompromis e jona.
Është beteja për të vërtetën. Ne nuk kërkojmë asnjë deformim. Gjërat siç janë.”

Para deputetëve të Grupit Parlamentar të Partisë Demokratike, Berisha foli për krimin shtetëror elektoral, duke garantuar se do përballen me mosbindjen civile

“Zonja dhe zotërinj deputetë, në këtë periudhë është shfaqur me gjithë shëmtinë e tij shteti elektoral.
Në këtë periudhë, Edi Rama është angazhuar në krime të mëdha elektorale.
Krimin shtetëror elektoral e kryeson Lubi Balluku.
E kryeson ky person, që në vjedhjet e saj tejkalon pas Edi Ramës çdo person tjetër në historinë e vendit.
Kjo ka hapur zyrat në të gjithë Myzeqenë me punonjësit e ministrisë, të cilët ngulen aty si xhandarë elektoralë, si terroristë elektoralë.
Përdorimi i shtetit elektoral për të dhunuar votën e shqiptarëve është një thirrje e brendshme për demokratët për mosbindje civile.
Edi Rama nuk mund të grabisë kurrë këto zgjedhje.
Ne jemi të përgatitur për një fushatë elektorale të ndreshme, të qetë, të drejtë, të konkurrojmë me alternativë,” kreu demokrat duke siguruar se në qoftë se Edi Rama shpalos shtetin elektoral, PD do shpalos zemërimin e qytetarëve kundër shtetit elektoral.
“Lubi Loti është një monstër e shtetit elektoral. Peshkopinë e drejtonte me Ymer Lalën nga resorti i Ymer Lalës, që ia çonte edhe rrugën automobilistike gjer tek dera e resortit.
Tani, në Fier përdor metodat e një terrorizmi të vërtetë elektoral.
Dhe nuk është vetëm ajo, të njëjtën gjë bëjnë kudo këta.
Kryetarët e bashkive kanë braktisur detyrat, përveç atij të Elbasanit që thonë se Suel Çela e ka shtruar në dru dhe po kurohet në spitalet e Greqisë, nuk e di është a e vërtetë apo jo, por nuk mund të mos e them këtë, të tjerët janë zhdukur, qytetarët nuk ekzistojnë.
I përshëndes dhe i përgëzoj emigracionin që po i refuzon masivisht aq sa nuk janë në gjendje të filmojnë takimet e tyre sepse janë të dështuara të gjitha.
Por kjo është e vërteta, kryetarët e bashkive nga Saranda në Kukës janë shpërndarë si terroristë elektoralë në kundërshtim me Kushtetutën, në kundërshtim me ligjin.
Edi Rama po përdor trafikantë dhe oligarkë, ai ia paguan takimin në Milano, këtu i jep lejen e ndërtimit. Sipas mediave, një Ujka, Ujka,” tha lideri i opozitës duek rikujtuar protestën kombëtare që u caktua me 8 Shkurt:

“Pra, data 8 është dita në të cilën ne tregojmë të gjithë fuqinë tonë në mbrojtje të votës së lirë dhe për zgjedhje të lira dhe të ndershme.”

Me këtë rast, Kryetari i Partisë Demokratike paralajmëroi krijimin e departamentit të luftës kundër korrupsionit ndërsa u zotua se do procedohen dosjet e familjes Rama!

“Tani do krijohet këtu një grup, një departament i luftës kundër korrupsionit, në të cilën ekspertët tanë do përgatisin çdo dosje me të gjithë dokumentacionin se të harrojë kush që mund të kalojë krimet që ka bërë i mbrojtur nga njerëz të marrë peng.
Jo, krahas vendimeve, qeveria do procedojë dosjet e korrupsionit për Edi Ramën, familjarët e tij.
Linda Rama është e regjistruar me regjistrim ambiental.
Ju besoj e dëgjuat se çfarë tha Arben Ahmetaj për fiskalizimin, se peshkaqeni ishte Olsi Rama që donte të merrte fiskalizimin.
Gjithçka sillej në këtë intervistë rreth familjes së tij.
Pra, do të krijohet një grup ekspertësh, juristësh, dosjet ne i kemi, i kemi dorëzuar 50 dosje atje. Nuk kemi lënë dosje pa dorëzuar, po ata i mbyllin, ata grisin urdhër arreste.
Ata çojnë për ndjekje penale Bardh Spahinë pse ka pushuar nga puna një të dënuar për vjedhje. Kjo është e vërteta.
Fshehin urdhër arrestin dhe dosjen për Benet Becin, i cili ka shuma të mëdha të ndara me qeveritarët.
Dhe i del ish-xhelati i Sigurimit të Shtetit dhe Edi Rama së bashku dhe e marrin në mbrojtje se Edi Rama duhet të marrë mandatin me bandat.
Çdo gjë, ne do përgatisim dosje pas dosje dhe këta ta dinë se në mënyrë absolute nuk do ketë asnjë lloj amnistie për akte korruptive, përkundrazi, korrupsioni do shpallet krim i rëndë.
Po, nuk luftohet ndryshe veçse me masa drakoniane. Këta u bënë të gjithë ndaj paratë e buxhetit. Nëndrejtoresha e merr tenderin, edhe tenderin tjetër e fiton djali,” tha Kryetari i Partisë Demokratike, Sali Berisha, duke përfunduar:

“Vendi është zhytur në një korrupsion të tmerrshëm. Del edhe ajo diplomate e thotë se Linda Rama është zgjedhja jonë. Por ka një kod. Si mund ta thuash këtë? Janë të gjithë këta deputetë që kanë firmosur dhe kthen përgjigje flakë për flakë se zgjedhim ne. Vë dorën në zjarr për Linda Ramën.
Por koha po ndryshon dhe unë në respekt të OKB-së, në respekt të UNDP, u bëj thirrje përsëri të rishqyrtojnë qëndrimin e këtij personi që drejton misionin. Përndryshe ne nuk mund të pranojmë korrupsionin mbi shqiptarët.
Ndaj dhe duhet të marrin fund këto praktika.”