Shumica e britanikëve duan të kthehen në BE

Më pak se tre në dhjetë britanikë mendojnë se Brexit ishte një gjë e mirë dhe shumica duan që vendi të kthehet në Bashkimin Evropian, ka treguar një sondazh i ri i opinionit publik, pesë vjet pasi Mbretëria e Bashkuar u largua zyrtarisht nga BE.

Në referendumin e vitit 2016, 52 për qind e britanikëve votuan për Brexit.

Pas vitesh të tëra negociata të vështira, Mbretëria e Bashkuar u bë vendi i parë që u largua nga Bashkimi Evropian më 31 janar 2020.

Por pesë vjet më vonë, vetëm 30 për qind e britanikëve besojnë se vendi bëri gjënë e duhur duke votuar për Brexit, konfirmon sondazhi i Institutit YouGov.

Kryeministri britanik: Do të rifillojmë marrëdhëniet me BE-në!

Sipas institutit, kjo është mbështetja më e ulët për Brexit deri më tani.
Në mesin e britanikëve që votuan për Brexit, 18 për qind besojnë se largimi nga Bashkimi Evropian ishte një gabim. Megjithatë, kjo përqindje rritet në 55 për qind nga numri i të gjithë të anketuarve.

Vetëm 11 për qind e të anketuarve besojnë se Brexit ishte një sukses.

Shumica e britanikëve, 55 për qind, mbështesin kthimin e vendit në Bashkimin Evropian, duke përfshirë 20 për qind e votuesve që votuan për Brexit. Prej tyre, 39 për qind e të anketuarve mbështesin fuqishëm kthimin në BE.

Kryeministri britanik, Keir Starmer, ka premtuar se do të rifillojë marrëdhëniet me Bashkimin Evropian. Megjithatë, ai kundërshton një kthim në anëtarësimin e plotë në Bashkimin Evropian.