As Schuman s’mendoi kështu, deliranti Edi Rama: Unë e di si anëtarësohet Shqipëria në BE, askush tjetër!

Shumë gjëra ka thënë Ministri i Jashtëm Francez, Robert Schuman, në deklaratën e tij të 9 majit të vitit 1950, kur vuri gurin e themelit për krijimin e Bashkimit Evropian, por në asnjë moment nuk tha se vetëm ai mund ta bëjë BE-në dhe askush tjetër, siç thotë sot deliranti komunist Edi Rama për Shqipërinë në BE, e që shqiptarët e kanë për taksirat ta kenë për Kryeministër,

Dhe, këtë e thotë Kryeministri i një tufe hajdutësh në emisionin më të shpifur që mund të shpik një kokë njeriu, Sy më Sy!

Ndoshta, formati i këtij emisioni i ka lejuar të thotë mijëra herë “unë” dhe “mua” ku edhe thotë se liderët evropian do vinë për një paçe e pilaf me Kryeministrin e hajdutëve Erion Veliaj dhe Arben Ahmetaj, duke harruar se të gjithë shqiptarët sot e dinë se çfarë është Samiti i BE, Këshilli Evropian, Komiteti Politik etj, dhe aty nuk shkohet për të ngrënë darkë me Kryeministrin e vendit mikëpritës; Madje edhe ai llum komunist që e voton, dinë kaq gjë!

“Kemi filluar përgatitjet për samitin e madh të të gjithë komunitetit politik evropian në Shqipëri më 16 maj. Para këtij samiti BE, Këshilli Evropian, liderët e BE kanë vendosur të vijnë në datën 15 maj për një darkë pune këtu me mua dhe me liderët e tjerë të rajonit tonë të Ballkanit Perëndimor. Pra 15 do të mikëpresim liderët e KE dhe më 16 do vijnë liderët e të gjithë kontinentit, me përjashtim të Rusisë,” tha Edi Rama Sy m’Sy duke e thënë një të pavërtetë më të madhe se ai vetë që është mbi dy metra mbi anëtarësimin e Shqipërisë në BE:

“Është një kapërcim epoka që ia detyroj fëmijëve tanë, nuk ka lidhje fare e lagu nuk e lagu bufi bishtin këtu në Shqipëri, jo PS, jo PD, jo ne e ata, jo bla e bla.

Për sa kohë që nuk jemi aty brenda ka shumë rëndësi se kush qeveris këtu. Këtë raport që kemi vendosur unë dhe PS me Evropën nuk e kemi pasur kurrë, barazi e respekt. Unë e di bëhet kjo unë dhe si mbyllet ky proces, askush tjetër nuk e bën dot.

Ndaj jam këtu akoma dhe prandaj duroj lloj kukumjaçke, salamandrash e insektesh, dhe prandaj vazhdoj të jem këtu. Ta keni parasysh mirë,” tha Edi Rama duke harruar se shqiptarët e dinë se Marrëveshjen e MSA e firmosi qeveria socialiste dhe e përmbylli ajo demokratike dhe askush nuk pësoi trauma siç parashikon lideri global i Vuçiçit sot për pasoja që do kenë shqiptarët, vendi dhe marrëdhëniet me Bashkimin Europian.

“Larg qoftë, larg qoftë për fëmijët tanë, larg qoftë për vendin, për marrëdhëniet me BE. Mos harroni që BE nuk i sheh fare me sy ca tipa. Deri kur të hyjmë atje ka shumë rëndësi se kush qeveris këtu.

Kur të hyjmë është më ndryshe, por deri atë ditë, ti thua Fitore, për çfarë për të shkrirë SPAK, për të kthyer përmbys atë që ka nisur si luftë emancipuese, transformuese kundër korrupsionit. Çfarë do fitosh, ky nuk është futboll. Çfarë do fitosh ti?”

Por, njeriu që nuk hanë nga dy ditë bukë, dhe është i bindur se vetëm ai mund ta anëtarësojë vendin në Bashkimin Europian dhe askush tjetër, ka harruar një detaj shumë thelbësor, kjo darkë është më 15 Maj ndërsa zgjedhjet parlamentare janë më 11 Maj, dhe, ka dy mundësi: Të organizoj zgjedhje të lira dhe të ndershme dhe ai në këtë rast është humbësi dhe shkon si ish-kryeministër! Ose, i vjedh zgjedhjet si zakonisht dhe darka anulohet!

Në fund, shqiptarëve që me sytë e tyre e panë se si qeveria e tij hanë biftek mijëra eruoshe te Nysreti dhe me veshët e tyre dëgjuan Zv/Kryeministrin e t ij Arben Ahmetaj se konsumon verë 33 mijë euroshe, ndërsa refuzon Komisioni Parlamentar Hetimor të tregoj nëse shpenzon miliona euro për avionin e tij personal, u thotë dhe një çudi të madhe që të paktën socialistët as që e menduan përkundër akuzave të Saliut se përdor kokainë!

“Kush më njeh unë nuk punoj për të jetuar, por jetoj për të punuar. Që kur jam bërë kryeministër mund të kem dalë në restorante, në 12 vjet të të them 30 herë në total, janë shumë. Nga këto 25 me familjen. Është sakrificë e madhe për familjen dhe fëmijët, por është kështu. Unë e shijoj një ushqim të mirë, por unë mund të rri pa ngrëne edhe mbi dy ditë, nuk e kam problem. Nëse arrin të bësh një cikël prej 48 orësh vetëm me ujë, është shumë pozitive për organizimin,” thotë Edi Rama, karakteristikë kjo për ata që përdorin speed dhe kokainë, që i bëjnë të ndjehen më pak të lodhur, ndjenja e urisë ju largohet dhe pas përdorimit ndjehen shumë të lumtur. 

Dhe, ato që nuk i thotë dot Sy m’Sy para deputetëve opozitar në Komision Hetimor, këtë e bëri në rrjet social aty ku përplas tavolinën dhe përqesh dynjanë:

“Udhëtimet nëse do kisha mundësi t’i këpusja me thikë do ti minimizojë me qejfin më të madh, se janë udhëtime pune dhe jo qejfi. Më vjen zor dhe habitem ca kërkojnë këta njerëz kur flasin broçkulla, jo mori avionin privat, jo fluturime luksi. Unë të gjitha fluturimet private me familjen i bëj ekonomik si të gjithë të tjerat. Fluturimet e punës janë fluturime pune dhe janë shkurtim kohe.

Për më tepër me marrëveshjen që kemi për atë avion nuk shpenzoj asnjë lekë për shtetin. Për më tepër deri kur nuk ishte avioni, rregulli në qeverinë time ka qenë dhe mbetet, anëtarët e qeverisë nuk udhëtojnë me biznes. Përjashtuar rastet e fluturimeve në SHBA që janë shumë të gjata dhe është normale. Ca janë në Evropë, të gjitha në ekonomik.

Tani për ca flisni, si mund të merreni me këto muhabet pa lidhje, kot. Jetën e secilit nuk e di askush!”