Barometri zbulon arsyet e halucinacioneve të Edi Ramës: 39.1% do votojnë PS-në!
Nëse zgjedhjet mbahen sot, 39.1% e elektoratit shqiptar do votonin Partinë Socialiste! Ky është konstatimi i Barometrit Euronews – Albania me matjen e dytë zgjedhore pas matjes së Janarit 2025 i cili i jep fund shumë enigmave mbi sjelljen agresive të Kryeministrit Edi Rama gjatë kohëve të fundit, halucinacioneve mbi zhvillimin ekonomik, SPAK-un dhe Reformën në Drejtësi, Bashkinë Tiranë qelibar me Lali Erin e 40 hajdutë, rolin e TikTokut në numrin e vrasjeve në Shqipëri, dhe plotësimin e kushteve për anëtarësim në BE vetëm me Edi Ramën në krye të qeverisë!
Dhe jo vetëm kaq! Duke pasur parasysh se televizioni i Qet Kastratit kryesisht e ka shikuesin e majtë, matja e Barometrit për prirjen e votës së qytetarëve për zgjedhjet e 11 Majit tregon jo vetëm arsyet e gjithë atijë angazhimi të Edi Ramës me atë bezdisjen mëngjesore Sy m’Sy, por dhe kohën e konsiderueshme që i kushton një Kryeministër atijë lloj komunikimi ndërsa zyrtarët e tijë po përfundojnë çdo sekondë në qeli!
Sot, votimi i 39.1% të qytetarëve për Partinë Socialiste, nëse zgjedhjet do të mbaheshin sot, mund të ketë tronditur Edi Ramën, por goditja që ai i bëri Partisë Demokratike duke krijuar edhe tre parti nga elektorati i saj, dhe po sipas këtij Baometri ajo arrinë të ketë mbështetjen e 27.8% të votuesve, është shqetësimi edhe ma i madh për Kryetarin e PS-së që për një moment harroi, Karma është kurvë!
Këtu, Edi Rama ka vend për shqetësim sepse vetëm për një muaj, nga Janari në Shkurt 2025, matjet e dyta tregojnë se prirja e votës jo vetëm ka ndryshuar por cenon pushtetin e Ramës. Në matjet e para diferenca ndërmjet qytetarëve që do të votonin PS dhe PD ishte 15.6%, ndërkohë sot në matjet e dyta kjo diferencë është ngushtuar në 11.3% ndërkohë të pavendosurit në të dy matjet kanë mbetur ekzaktësisht në të njëjtin nivel, 19%.
Nëse kësaj i shtojmë edhe faktin se ky Barometër u zhvillua pa u publikuar listat e deputetëve, ku sot ende pa e zyrtarizuar Kryetari i PS këtë listë kanë shpërthyer pakënaqsitë, shqetësimi i Edi Ramës është mëse i asryeshë,!
Ndërsa sa i përket partive të reja dhe të vogla që janë pjellë e tij dhe rezultatet tregojnë se kalojnë pragun prej 1%, vihet re një rënie e tyre nga matja e parë në matjen e dytë me përjashtim të një rritje me 0.8% që ka pësuar “Partia Mundësia”.
Kështu, 5.1% e qytetarëve do të votonin “Shqipëria Bëhet, 3.9% “Partia Mundësia” 2% “Lëvizja Bashkë”, 1.4% Partia e Lirisë, dhe 1.7 janë parti të tjera. Ndërkohë 19% e qytetarëve janë të pavendosur për t’i dhënë përgjigje kësaj pyetje, ku një pjesë e tyre tregojnë se nuk do të votojnë, një pjesë përgjigjen nuk e di ose refuzojnë të përgjigjen kësaj pyetje.
Ndryshe, Barometri Euronews – Albania matjen e dytë zgjedhore e ka zhvilluar sërish me metodologji kampion të njëjtë, 1600 qytetarë të pyetur në gjithë territorin e vendit, ballë për ballë. Periudha kohore e mbledhjes së të dhënave për matjen e dytë zgjedhore të Barometrit Euronews-Albania është 15-25 Shkurt 2025.
