Vettingu, anëtari i Gjykatës së Lartë kërkon rikonfirmimin: Kam dhënë 3 dënime të përjetshme…

Medi Bici, anëtar i Gjykatës së Lartë, kërkoi sot nga KPK rikonfirmimin në detyrë, ndërsa shprehu besim në vendimin që pritet të shpallet nesër (31 korrik). Bici mësohet se ka paraqitur prova të tjera lidhur me pretendimet se pasuria e tij është e fshehur.

“Në vitin 1986 kam blerë një shtëpi në Tiranë. Dhe në atë shtëpi pas 90’, duke qenë se po shembej menduam që të ndërtonim një tjetër mbi të vjetrën.

Pasi biseduam me pronarët, të cilët ende nuk e kishin rimarrë shtëpinë dhe kështu ramë dakord ta ndërtojmë.

Sa u përket borxheve nga vëllai, gruaja më mbeti pa punë kisha tre fëmijë dhe vetëm unë punoja. Banesën në Tiranë e kam blerë në një nga zonat më të varfra. Po të shikoni pasaportat e fëmijëve të mi nuk do gjeni asnjë vule në vendet e BE. Vetëm në Mal të Zi e Kosovë kemi shkuar”, tha ai.

Në deklarimet e tij, anëtari i Gjykatës së Lartë, theksoi se në vitin 1997 është shpallur gjyqtari i vitit.

“Kam dhënë 3 dënime të përjetshme. Dy për vrasjen e një kambisti, po ashtu kam dënuar dhe ish-punonjësin e SHISH-it që vrau studenten dhe nënën e tij. Prandaj kërkoj rikonfimimin në detyrë”, u shpreh ai.