Sulmi terrorist serb në Banjskë, sot të akuzuarit dalin para gjykatës

Në Gjykatën Themelore në Prishtinë sot do të mbahet seanca e parë për sulmin terrorist serb në Banjskë.

Vladimir Toliç, Blagoje Spasojeviç dhe Dushan Maksimoviç, të akuzuar për sulmin terrorist në Banjskë të Zveçanit, e të cilët gjenden në paraburgim, sot pritet të dalin para drejtësisë në Kosovë.

Mirëpo, pjesë e këtij gjyqi nuk do të jenë 42 të akuzuarit tjerë për këtë sulm, përfshirë kreun e këtij grupi terrorist serb, Milan Radoiçiç.

Në shqyrtim fillestar prokurori i rastit Naim Abazi, kishte kërkuar gjykim në mungesë.

Autoritetet e Kosovës kanë kërkuar ekstradimin e kreut të grupit terrorist serb, Milan Radoiçiq dhe të akuzuarit tjerë për sulmin terrorist në Banjskë të Zveçanit, mirëpo një gjë e tillë ende nuk ka ndodhur. Ata vazhdojnë të jenë në kërkim nga Interpoli ndërsa strehohen në Serbi nën kujdesin e Presidentit serb Aleksandar Vuçiç i cili kudeset në veçanti për terroristin Milan Radojçiç i cili gëzon i cili gëzon imunitet si një zyrtar i lartë i shtetit serbë, ngjashëm me të gjithë kriminelët e luftës në Ish-Jugosllavi që kërkohen nga drejtësia ndërkombëtare.