Parlamenti i Kosovës, opozita e zhbllokoi procesin për ta bllokuar sërish pas betimit!
Kryetari i Lëvizjes Vetëvendosje, Albin Kurti, shpallet triumfues në Kosovë edhe kur nuk e kërkon, e opozita e tij humb kohë për një javë duke e bllokuar procesin e konstituimit të Parlamentit të Kosovës duke i kërkuar dorëheqje edhe pasi atij i ka skaduar mandati!
Dhe, ndonëse i kanë dhënë urdhër që nga fillimi i fushatës për zgjedhjet e 9 Shkurtit mediave me batonë e buzhalë që Albin Kurti të quhet “kryeministër në detyrë”, ata i kërkuan Kryeministrit të jap dorëheqje pasi i skadoi mandati dhe pasi u certifikua si deputet nga KQZ!
Kërkuan dorëheqje nga Albin Kurti, dorëheqjen nuk e morën dhe iu bindën deklaratës publike dhe u kthyen në pikën zero ku me vota unanime votuan Raportin e mandatit të deputetëve, dhe vazhduan procesin e zhbllokuar me betimin në Parlamentin e Kosovës.
Betimi
Unë, deputet i Kuvendit të Republikës së Kosovës, betohem se me nder e me përkushtim do ta kryej detyrën time dhe do ta përfaqësoj me dinjitet popullin, do të punoj në interes të Kosovës dhe të gjithë shtetasve të saj, do të angazhohem për mbrojtjen dhe për respektimin e kushtetutshmërisë dhe të ligjshmërisë, për mbrojtjen e sovranitetit, tërësisë territoriale dhe të integritetit institucional të Kosovës, për garantimin e lirive dhe të drejtave të njeriut, në përputhje me ligjet e vendit.
Betohem!
Përkundër këtij betimi, përkundër një vendimi të Gjykatës Kushtetuese se posti i Kryetarit të Parlamentit i takon partisë fituese, kur dhe fillon numërimi i ditëve të kësaj partie për 60 ditë që të krijoi qeverinë ndryshe merr të drejtën partia e dytë, sot sërish u bllokua procesi dhe nuk u votua propozimi i Lëvizjes Vetëvendosje, Albulena Haxhiu!
Por, ekzaltimi i këtyre analfabetëve politik vetëm pse kanë akses në media se Albulena Haxhiu dështoi të zgjedhet për dy herë Kryetare e Parlamentit sepse mori 57 vota, 3 abstenime e 20 kundër, nuk po ndihmohet të shuhet nga një njeri i mençur që t’ju thuhet këtyre njerëzve që bllokuan edhe jetën në Kosovë, se numërimi për Albin Kurtin për 60 ditë ta krijojë qeverinë ende nuk ka filluar.
A do ta korrë të hënën në seancën e radhës Albin Kurti fitoren e radhës duke zgjedhur Kryetarin e Parlamentit nuk dihet, por e sigurt është se Kryetari i këtij Parlamenti do të jetë nga Lëvizja Vetëvendosje madje siç u deklarua vetë Albulena Haxhiu, ajo do jetë sërish propozim!
“Së pari më lejoni të falenderoj 57 deputetë që më mbështetën që të jem kryetare e Kuvendit, duhen edhe 4 vota. Pra, nga të gjithë deputetët, 61 duhet të jenë për. Siç e kuptuat, seanca u peuzullua, brenda 48 orëve u thirr seanca e radhës, Kuvendi nuk kunstitohet pa u zgjedhë kryetari dhe nënkryetarët. Ne ishim gati të vazhdojmë me procedurat e mëtejme, mirëpo duket që opozita po e mban të bllokuar Kuvendin sepse nuk e mbështeten propozimin e VV-së. I përket VV-së ta bëjnë propozimin e radhës, do të jetë emri i njëjtë, faleminderit,” tha Albulena Haxhiu edhe me gjuhën që nuk po i pëlqen opozitës, por pak rëndësi ka kjo kur ajo nuk është hartuese e Vendimit të Gjykatës Kushtetuese që i jep këtë të drejtë.
