Canada, Mark Corney – kryeministri i ri
Mark Carney, ish-guvernatori i Bankës së Anglisë, ka fituar zgjedhjet në Canada dhe u bë kryeministri i ri.
Ai u betua në detyrë muajin e kaluar pasi paraardhësi i tij dha dorëheqjen, por më pas shpalli zgjedhje të parakohshme, duke i dërguar kanadezët përsëri në qendrat e votimit dje.
Ndryshe, Carney ishte i pari jobritanik që drejtoi Bankën Qendrore të Britanisë në më shumë se 300 vjet dhe më parë e kishte udhëhequr atdheun e tij gjatë krizës financiare të vitit 2008 si guvernator i Bankës së Kanadasë.
Për dallim nga shumica e kandidatëve politikë, Carney nuk ka mbajtur kurrë poste politike. Megjithatë, ai fitoi bindshëm garën e brendshme të Partisë Liberale për të pasuar Justin Trudeau në fillim të marsit dhe tani është zgjedhur me vullnetin e popullit.
Gjatë fushatës, ai përmendi përvojën e tij në menaxhimin e krizave ekonomike globale, duke shpresuar se kanadezët do ta njihnin atë si një udhëheqës të aftë që do të pëballet me Presidentin e SHBA-së Donald Trump, i cili i ka imponuar një luftë tregtare Canadasë.
Çfarë u ofron kanadezëve?
Përveç një qëndrimi të vendosur ndaj Trump, Carney prezantoi edhe një numër politikash vendore.
Njihet si mbështetës i qëndrueshmërisë mjedisore – në vitin 2019 u emërua i dërguar i OKB-së për ndryshimet klimatike, dhe në vitin 2021 themeloi Aleancën Financiare të Glasgowt për Emetime Zero Neto.
Një nga çështjet më të diskutueshme të administratës Trudeau ishte taksa e karbonit, të cilën Konservatorët premtuan ta shfuqizonin. Menjëherë pasi u betua, Carney mori një vendim për të shfuqizuar taksën që hyri në fuqi më 1 prill.
“Do t’i ndihmojë kanadezët që janë nën presion të shpenzimeve,” tha Mark Carney.
Gjatë fushatës, ai mbështeti forcimin e Canadasë si një fuqi energjitike e pastër dhe konvencionale, dhe, përshpejtimin e miratimit të projekteve të mëdha të infrastrukturës.
Kur u pyet për konfliktet e mundshme midis politikës së energjisë dhe objektivave klimatike, ai e përshkroi veten si një “pragmatist”.
Në fushën e imigracionit, ai mbështet kufizimin e objektivave aktuale të imigracionit në mënyrë që të mbrohet kapaciteti i sistemeve të kujdesit shëndetësor dhe strehimit.
Si sfidën më të madhe ai theksoi ruajtjen e rritjes ekonomike të Canadasë pavarësisht tregtisë së reduktuar me SHBA-në.
