Video/ Denoncimi te “7 Marsi” Tiranë: Fletët e votave të palosura në mënyrë simetrike dhe kutia e pahapur

Kryetarja e Partisë Demokratike Dega Nr. 9 së në Tiranë, Eda Grimci, ka denoncuar një palosje të votave në grupe dhe se ato janë hedhur në një mënyrë që nuk është e zakonshme, në KZAZ 40, grupi i numerimit 40 ne shkollen “7 Marsi” duke bërë thirrje për hetimin e menjëhershëm të këtyre kutive dhe masat përkatëse që duhet të merren.

“Ne na kanë ngelur edhe 12 kuti të subjektit zgjedhor, kuti të pahapura, pra nuk ka lidhje me votat e kandidatit. Unë jam futur vetë në numërimin e votave, pavarësisht se jam drejtuese e shtabit numër 9 si kryetare dege dhe sa është hapur kutia kam kontaktuar mbi 70% e votave aty janë palosur në mënyrë simetrike njësoj dhe nga 3-4 së bashku dhe kjo gjë më ra në sy, nuk e kam parë në kutitë e tjera.

Mund të kem parë 3 fletë, p.sh., por kjo është hera e parë dhe bëhet fjalë për kutinë 1975/1, zona e 7-Marsi, ku gjithashtu atje keni ardhur disa herë për problematika të ngjashme.

Aty keni konstatuar pjesëmarrjen e administratës, patronazhistëve apo persona me bexhe false. Në këtë kuti unë konstatova se votat janë hedhur në grup dhe janë bërë me të njëjtën dorë, nuk janë hapur, nuk e di se kujt subjekti janë dhe nuk po paragjykoj, qofshin këto edhe vota të PD.

Kjo kuti nuk duhet hapur, nuk duhet të kalojë dhe kjo kuti e duhet konstatuar. Unë po bëj gati ligjërisht edhe aktin e konstatimit ashtu siç e parashikon edhe Kodi Zgjedhor apo Manualet e KQZ.

Kjo kuti nuk kalon dhe nëse unë shoh se ka probleme edhe me vulat, unë do të bëj kallëzim penal dhe ky është detyrim im ligjor si vëzhguese e parë e kësaj zone.

Normalisht unë kërkoj dhe ndihmën e televizion, ta ndiqni hap pas hapi pasi të mbaroj aktin e konstatimit. Unë do e numëroj dhe do shoh se për cilin kandidat janë këto vota dhe do jenë organet ligjzbatuese që do e hetojnë këtë rast, por nuk do ngelet pa u hetuar absolutisht,” tha Eda Grimci.

Ndërkohë 3 fletët e kontestuara për ngjyrën ku figuronte vota e partive “Mundësia” u hodhë poshtë ashtu si dhe vota e PS e ministrit Brendshëm, Ervin Hoxha, të KZAZ 40, në shkollën “Sami Frashëri” në Tiranë, nodne është e qartë se bëhet fjalë për skemën e pastër të “Treni Bullgar”.