Çfarë halli ka Edi Rama, pse nxiton në largimin e Sali Berishës nga politika?!

Ende pa u numëruar votat dhe pa u shpallur rezultati zyrtar i zgjedhjeve të 11 Majit, në mungesë të një Yuri Kim ndonëse është e qartë se realizoi planin kriminal të Kuçit dhe i mori zgjedhjet ashtu siç deshi, Edi Rama ka lëshuar shpurrën e mediave që ka nën kontroll për ti bërë presion çdo njeriu që nuk ka çehre komunisti, që të shprehet nëse duhet të ikë Kryetari i Partisë Demokratike, Sali Berisha!

Shfrytëzoi dhe prezencën e Presidentit të Francës, Emmanuel Macron, në Samitin e Komunitetit Politik Europian për të na thënë se sa lider i madh është Edi Rama, i mbylli gojën duke ju dhënë mandate edhe Lapajt e Agronit, por, debati ndër shqiptarë ngeli edhe pas terrorit psikologjik ndaj demokratëve të dy investimeve komuniste, Euronews Albania dhe A2 CNN “a duhet të largohet Berisha”, i ka vjedhur apo jo Edi Rama zgjedhjet!

Këtë debat Edi Rama u mundua ta mbyll edhe “live” në protestën e opozitës për manipulimin e zgjedhjeve dhe vjedhjen e votës, duke u munduar ta zhvlerësoj me gazetarët kamikazë të Qet Kastratit dhe Bashkim Ulajt, ndërsa i detyroi të përballen me militantë demokratë me pyetjen “nëse kanë apo jo fakte për votat e vjedhura”, dhe, duke i vënë kapak me flamurin e medias së lirë se ata ishin agresiv ndaj pyetjeve të investimeve komuniste, Euronews Albania dhe A2 CNN!

Ndoshta, sikur mos të ishte ky nxitim, kjo prezencë ndër demokratë e televizioneve të Qetit dhe Bashkimit do të kishte kuptim sikur të shkonin para kësaj proteste në festën e Partisë Socialiste për ti pyetur “nëse kanë apo jo fakte se votat nuk janë vjedhur”, por, kjo parti komuniste ka ndërgjegjen e qartë, janë kriminelë!

Por, cili është halli i Edi Ramës që e do se s’bënë ta largojë me dorën e tij, Sali Berishën nga politika edhe pasi e mundi në zgjedhje me një rezultat i cili as në teori nuk është i arritshëm!

Sikur ta kishte hallin e një shteti që nuk funksionon mirë pa opozitën dhe i duhet ndryshuar lideri nuk do ti vidhte zgjedhjet, sikur ta kishte rezultatin e ngushtë të zgjedhjeve Edi Rama edhe mund të ishte shqetësuar, sikur liderët e djathtë evropianë të kishin dhënë shenja pakënaqësie në Samitin e Tiranës edhe mund ta intensifikonte këtë nxitim, sikur ta kishte hallin “historik” i cili do të pamundësohej nga ai mjekësor si rasti i Ish-Presidentit amerikan Joe Biden – tashmë shqiptarët do ta kishin marrë vesh, apo halli është edhe më serioz!

Nëse Edi Rama ka ëndërruar se po e akuzojnë se i ka vjedhur zgjedhjet, interpretuesit e ëndërrave thonë se është një shenjë se disa llogari të pazgjidhura do të zgjidhen së shpejti.

“Ndoshta ke një problem me dikë që ka zgjatur prej kohësh dhe ke frikë ta vendosësh përsëri në agjendë sepse e di që pasojat mund të jenë katastrofike. Megjithatë, je gjithashtu i vetëdijshëm se duhet ta nisësh këtë çështje nga pika zero, në mënyrë që të çlirohesh nga barra e madhe që ndjen,” thonë interpretuesit e ëndërrave!

Por çështja bëhet edhe më serioze kur kemi parasysh të kaluarën e partisë kriminale që drejton Edi Rama! Kur kjo parti nxiton, vret, di që të mos lejoj edhe varrimin e një familjari që nuk e ka vra të familjes që internoi, si në rastin e familjes së gazetarit Zoi Xoxa, kur, me arkivol dhe trupin e pajetë të të birit i ka nisur familjen drejt internimit!

Kështu dhe Edi Rama sot përdor artilerinë e tij propagandistike duke nxituar në largimin e Sali Berishës nga drejtimi i PD dhe politika, pa kursyer asnjë mjet deri në neveri!

Ndërkohë asin në mëngë Edi Rama e ka që nga dita e parë kur shkeli në politikë dhe plotësonte parimin kryesor se mënyra më e mirë për të pasur sukses në politikë është të gjesh një turmë që nuk e di se ku po shkon dhe ti e udhëheqë atë!

Apo, nuk po gjenë dot si Edi Rama ashtu dhe Alexi një “McGonigal” në FBI për ta korruptuar në mënyrë që konfirmoi akuzën e 6 milionëshit të Sali Berishës për të cilën po heshtë, dhe të përfitoi certifikimin e këtyre zgjedhjeve të vjedhura edhe nga Washingtoni!

Ndryshe, sipas Rregullores, Sali Berisha, si deputeti më i moshuar i Parlamentit të ri 2025, i takon të drejtoj seancën konstituive!