Dosja “Partizani”, GJKKO kalon për gjykim ish-kryeministrin Berisha, avokati: U diktua nga Rama!
Gjykata e Posaçme kundër Korrupsionit dhe Krimit të organizuar ka kaluar për gjykim dosjen penale të ish-kompleksit sportiv “Partizani” ku nën akuzë për privatizimin e ish-kompleksit janë ish-kryeministri Sali Berisha, dhëndri i tij Jamarbër Malltezi si dhe biznesmeni Fatmir Bektashi.
Për avokatin mbrojtës të kryetarit të PD, Sali Berisha, Genc Gjokutaj, vendimi i GJKKO, nuk është gjë tjetër veçse i urdhëruar nga Edi Rama, përmes agjencisë së tij, GJKKO.
“Ishim koshinet dhe pavlefshmëritë kërkohen te gjyqtari i seancës paraprake. S’kishim një hapësirë tjetër ku t’i kërkonim këto pavlefshmëri. Është vërtetuar tashmë së Irena Gjoka për këtë çështje s’ka pasur kushtet për të qenë gjyqtare, dhe vendimet e marra prej saj janë të pavlefshme. Kjo gjykatë na i rrëzoi pa na i argumentuar. Gjykata e kaloi për gjykim dhe e njëjta gjyqtare e ka kthyer çështjen për rihetim në një rast tjetër.
Denoncoj rastin me forcë që kjo pavlefshmëri po mban Malltezin në arrest, njëjtë sikurse masa për Berishën. Rama përmes agjencisë së tij, GJKKO e realizoi edhe këtë fazë paraprake për ta dërguar çështjen në gjyq.
Gjykata e Lartë ka hapur një praktikë në kundërshtim me ligjin, se seanca paraprake s’mund ta pushojë çështjen pasi është themeli që jep vendim. Këto janë metastazat ligjore që kanë kapur Gjykatën e Lartë, Kushtetuesen, ky ishte vendimi i sotëm. Më shumë rekomandim, citim e dispozita nenesh, që për mua janë për studentët e jo për ne,” tha avokat Gjokutaj duke sqaruar se procesi ndaj Berishës do të vijojë me gjykim të zakonshëm.
“Ne se kimi kërkuar gjykimin e shkurtuar pasi mungon fakti penal dhe së dyti, në momentin kur ka pavlefshmëri aktesh, gjykimi i shkurtuar automatikisht është i rrëzuar. Kjo gjykatë këtë bërë, vleftësoi aktet dhe e dërgoi në gjyq dhe që ne kemi leximin e ligjit tonë dhe jo me kokë poshtë.
Do të ecet me gjykim të zakonshëm. Kemi bërë të gjtiha këkrimet tona në KLGJ e ILD për gjyqtaren Irena Gjoka, kallëzimin e kemi bërë, është gati. Ne e kuptopjmë që këtu s’ka çarje në radhe detyre, rasti është flagrant. Është bërë publike me kohë nga ana e gjyqtares edhe për çështje etike-morale, duhet të kishte dhënë një shpjegim, ose të ishte dorëhequr.
Po vazhdojmë, s’ka mbaruar çështja, kemi dhe ne strategjinë tonë. Po luftojmë në një terren që s’ka sy të shohe e veshë të dëgjojë. Të provojmë një metodë alternative e të paprovuar,” tha avokatin mbrojtës të kryetarit të PD, Sali Berisha, Genc Gjokutaj, duke përfunduar:
“Masa e Berishës për detyrim paraqitje është marrë nga gjykata. Është alarmante masa e ndërmarrë për Malltezin, është e pavlefshme. Berisha do të jetë prezent kur është e domosdoshme prania e tij, por në seancat me debat procedural, do vendoset rast pas rasti.”
Ndryshe, seanca paraprake për Sali Berishën dhe Jamarbër Malltezin zgjati shtatë muaj pasi avokatët pretenduan pavlefshërinë e akteve të gjyqtares Irena Gjoka. Sipas avokatëve, ajo është një gjyqtare jo e zgjedhur me ligj dhe çdo vendim i marrë prej saj është i marrë në shkelje me ligjin.
SPAK ka ngritur ndaj Berishës dhe dhëndrit të tij akuzat për shpërdorim detyre, korrupsioni, fshehje pasurie dhe pastrimi i produkteve të veprës penale.
Sali Berisha doli nga arresti shtëpiak pas rreth 1 viti, në nëntor të vitit 2024 me vendim të GJKKO. Ndërsa dhëndri i tij, Jamarbër Malltezi vijon prej më shumë se 2 vitesh të jetë në arrest shtëpie.
