KESCO: Prej nesër, mungesë të energjisë elektrike! KEK: Nuk do të ketë ndërprerje! Prokuroria hesht 

Pas paralajmërimit të kompanisë për furnizim me energji elektrike, KESCO, se duke filluar prej nesër e në ditët në vijim do të ketë mungesë të theksuar të prodhimit vendor të energjisë ndërsa u kërkoi qytetarëve të kursejnë energjinë elektrike, këtë alarm e mohoi Korporata Energjetike e Kosovës, KEK,duke sqaruar se operimi po vazhdon normalisht dhe se nuk ka kolaps në prodhim; Ndërkohë Prokuroria e Kosovës që reagon për çdo teshtimë në Qeveri heshtë për këtë përhapje paniku që për shumë pak orë mori përmasat e një lufte speciale kundër funksionimit të shtetit të Kosovës.

“Nuk do të ketë ndërprerje të energjisë elektrike, këtë ta kemi të qartë,” tha Kryeshefi Ekzekutiv i KEK-ut, Gramos Hashani, në një konferencë për media duk sqaruar situatën e krijuar.

“Ne sot kemi deklaruar kapacitetet e prodhimit të cilat i kemi planifikuar për nesër. Ka pasur pasiguri nga ekipi i termocentralit ‘Kosova A’ për ta deklaruar atë kapacitet. Kjo është keqkuptuar dhe janë dhënë deklarata të ndryshme, me të cilat ne nuk merremi, që KEK-u për herë të parë pas 25 vjetësh nuk prodhon asnjë megavat brenda ditës. Kjo nuk është e vërtetë. Ne jemi angazhuar maksimalisht dhe kemi bërë korrigjim të kapaciteteve që njësia A3 do të prodhojë edhe nesër,” ka shtuar ai.

“Ne vetëm e prodhojmë energjinë elektrike, e deklarojmë një ditë përpara. Është korrigjuar njoftimi se nesër prodhojmë 110 megawat në orë nga njësia A3,” tha Gramos Hashani duke theksuar se KEK është në proces të modernizimit dhe shtimit të kapaciteteve ndërsa përfundoi:

“Kjo është e natyrshme dhe qëndron te vjetërsia që kemi. ‘Kosova A’ ka 60 vite, ‘Kosova B’ i ka 40 vite, kjo e funda është në proces të modernizimit. Ndërkaq për ‘Kosova A’ e kemi njësinë ‘A3’, për të cilin e kemi hapur tenderin me 137 milionë euro modernizim dhe rehabilitim.”

Ndryshe, sot KESCO me një deklaratë të papërgjeshme njofton qytetarët e Kosovës se është informuar për një mungesë të theksuar të prodhimit vendor të energjisë elektrike që pritet të ndodhë nesër dhe në ditët në vijim.

“Në rastin më ekstrem, kjo do të nënkuptojë që e gjithë sasia e energjisë elektrike për konsumatorët në Kosovë do të duhet të mbulohet përmes importit. Importimi i një sasie kaq të madhe paraqet vështirësi të konsiderueshme si nga aspekti teknik, ashtu edhe ai financiar,” thotë KESCO që për të minimizuar ndikimin e kësaj situate u bën thirrje të gjithë konsumatorëve që të aplikojnë masa të menjëhershme të kursimit të energjisë elektrike, thuase paguhet për propagandë dhe jo furnizim.

Nëse KESCO i ka jap të drejtë vetes të luaj rolin e Qeverisë së Kosovës që do të menaxhojë situata krizash duke harruar se kompetencën e vete e ka furnizimin me energji elektrike, atëherë Qeveria duhet të reagoj ndaj kësaj komapnie që ka kohë që e lufton Kosovën dhe Qeverinë e saj, ose, nëse nuk e bënë dot këtë gjë, Qeveria në detyrë të jap dorëheqje.

Sa për Prokurorin e këtij shteti që shkërmoqi Drejtësinë, sot nuk ka aq opitimistë në Kosovë që të pret fillimin e hetimeve për këtë luftë speciale të një kompanie që drejtohet nga persona të papërgjegjshëm, aq më shumë niveli hidrik në hidrocentralet e shteteve fqinje aktualisht është në kuotat e larta.