Irani dhe Izraeli nisin sulme të reja. Izraeli: Kemi vrarë dy komandantë iranianë
Irani dhe Izraeli shkëmbyen sulme të reja gjatë natës, një ditë pasi Teherani tha se nuk do të negocionte për programin e tij bërthamor ndërsa ishte nën kërcënim ndërsa Evropa u përpoq të zhvillonte bisedime paqeje. Nuk pati raportime për viktima.
🔴ELIMINATED: Behnam Shahriyari, commander of the Quds Force’s Weapons Transfer Unit in the IRGC, was eliminated in a precise IDF strike in western Iran.
— Israel Foreign Ministry (@IsraelMFA) June 21, 2025
Shahriyari was responsible for all weapons transfers from the Iranian regime to its proxies across the Middle East in order… pic.twitter.com/jKusiBTEJi
Ushtria izraelite: Vritet komandanti i njësisë së transferimit të armëve iraniane
“Behnam Shahriyari, komandanti i Njësisë së Transferimit të Armëve të Korpusit të Gardës Revolucionare iraniane, IRGC, dhe anëtar i njësitit Quds, u vra në një sulm preciz nga Ushtria izraelite, IDF, në Iranin perëndimor. Shahriyari ishte përgjegjës për të gjitha transferimet e armëve që regjimi iranian u dërgon grupeve të tij në të gjithë Lindjen e Mesme me qëllim zbatimin e strategjisë së tij për të shkatërruar Izraelin.
Ai drejtoi gjithashtu transferimin e qindra miliona dollarëve në vit për organizata të ndryshme terroriste. Përveç financimit, ai ishte një figurë kyçe në furnizimin me armë të këtyre grupeve, gjë që çoi në vdekjen dhe plagosjen e shumë civilëve dhe ushtarëve izraelitë.
Ai u vra më shumë se një mijë kilometra larg kufirit izraelit ndërsa udhëtonte nëpër Iranin perëndimor. Vrasja e tij përfaqëson një goditje të rëndë për aftësinë e organizatave terroriste që rrethojnë Izraelin për t’u riorganizuar dhe forcuar pas humbjeve të rënda që pësuan gjatë luftës”, njoftoi Ministria e Jashtme izraelite.
Ndërkohë Ministri i Mbrojtjes i Izraelit, Israel Katz, tha sot se ushtria izraelite vrau komandantin e degës ndërkombëtare të Korpusit të Gardës Revolucionare iraniane gjatë një sulmi të apartamentit në Qom të Iranit. Komandanti Said Izadi udhëhoqi Forcat Palestineze Quds, tha Israel Katz përmes një deklarate por kjo nuk u konfirmua nga IRGC.
CNN raporton se jeta në Teheran po kthehet ngadalë në normalitet pasi një numër i madh banorësh u larguan nga qyteti për shkak të bombardimeve izraelite dhe paralajmërimit të presidentit amerikan Donald Trump për të braktisur kryeqyteti iranian.
Sulmet e fundit duket të jenë të kufizuara, por sistemet antiajrore iraniane mbeten aktive mbi qytet, veçanërisht gjatë natës.
Edhe pse rrugët janë ende shumë më të zbrazëta se zakonisht, më shumë dyqane dhe madje disa restorante po rihapin dyert e tyre. Trafiku po rritet gradualisht ndërsa CNN flet edhe për bllokimin e parë të trafikut gjatë ditës së premte.
Në qytet nuk mungojnë ushqimet dhe karburantet, supermarketet janë të hapura dhe të pajisura mirë, dhe pikat e karburantit kanë karburant dhe nuk ka radhë për mbushje.
MDA Spokesperson: Following the recent Red Alert sirens heard across the country:
— Magen David Adom (@Mdais) June 21, 2025
No major incidents have been reported, except for one event in central Israel where a fire was reported on the roof of a building. pic.twitter.com/PvR3E3d8Ua
I gjithë Izraeli në alarm, bombardime, dhe njerëz në panik
Ndërkohë nata në Izrael kaloi nën alarme, bombardime, zjarr dhe njerëz në panik që tashmë po jetojnë me një tension shumë më të madh se zakonisht.
Një zëdhënës i shërbimit të urgjencës izraelite Magen David Adom, MDA, tha se nuk janë raportuar incidente të mëdha që kur alarmet e fundit të sulmit ajror u dëgjuan në të gjithë vendin, përveç një incidenti në Izraelin qendror ku një zjarr shpërtheu në çatinë e një ndërtese.
Banorët janë evakuuar dhe deri më tani nuk raportohet për të lënduar. Ekipet e MDA janë në terren duke ofruar ndihmë mjekësore për disa persona që pësuan sulme paniku dhe po vazhdojnë kërkimet në zonë për lëndime të mundshme shtesë.
Ndryshe, në përpjekjen e fundit të diplomacisë së Bashkimit Evropian dhe Mbretërisë së Bashkuar për paqen në Lindjen e Mesme, ministrat e jashtëm evropianë kërkuan vazhdimin e dialogut dhe përpjekjet për të shmangur një përshkallëzim të konfliktit në rajon, por shefi i diplomacisë iraniane tha se Irani është gati të mbështet vazhdimin e bisedimeve vetëm pas ndërprerjes së agresionit..
