Komisioni kundër Dezinformimit, Flamur Noka në parlament: Qëllimi, mediat grusht i bashkuar rreth partisë dhe rreth Sulltanit

Komisioni kundër Deiznformimit që tashmë socialistët po e avancojnë në Ligj, për Sekretarin e Përgjithshëm të PD-së dhe deputetin Flamur Noka ka për qëllim që të kthejë çdo media me format e dhunës apo të presionit,dhe të gjithë së bashku pastaj të ishin grusht bashkuar rreth partisë dhe rreth Sulltanit.

“Kur një komision që ngrihet kundër dezinformimit falënderon publikisht Carlon që është shembulli i një medie që vetëm dezinformon  tregon qartësisht se qëllimi i këtij komisioni ka qenë që të kthejë çdo media me format e dhunës apo të presionit, çdo portal ti shndërrojë me media vari Carlon dhe të gjithë së bashku pastaj të ishin grusht bashkuar rreth partisë dhe rreth Sulltanit nën thirrjet Hosana Baraba, Hosana Baraba, nga mëngjesi në darkë. Ky ka qenë qëllimi i këtij komisioni. Kështu që nuk meriton më shumë,” tha Flamur Noka nga foltorja e parlamentit në mbyllje të kësaj legjislature ku parlamenti u kthye në një vend ku liritë e opozitës dhe demokracia asgjësoheshin nga mëngjesi në darkë me urdhër të Sulltan Surrelit.

Fjala e plotë:

Kur një komision që ngrihet kundër dezinformimit falënderon publikisht Carlon që është shembulli i një medie që vetëm dezinformon  tregon qartësisht se qëllimi i këtij komisioni ka qenë që të kthejë çdo media me format e dhunës apo të presionit, çdo portal ti shndërrojë me media vari Carlon dhe të gjithë së bashku pastaj të ishin grusht bashkuar rreth partisë dhe rreth Sulltanit nën thirrjet Hosana Baraba, Hosana Baraba, nga mëngjesi në darkë. Ky ka qenë qëllimi i këtij komisioni. Kështu që nuk meriton më shumë.

Po fillojmë me ato që interesojnë qytetarët. Pasi sot mbyllet kjo legjislaturë më e zeza në 35 vite të demokracisë në Shqipëri. Në këtë legjislaturë parlamenti u kthye në një vend ku liritë e opozitës dhe demokracia asgjësoheshin nga mëngjesi në darkë me urdhër të Sulltan Surrelit. Ky parlament në këtë legjislaturë u shndërrua në një vend ku vlonte histeria moniste kundër opozitës.

Ky parlament në këtë legjislaturë u shndërrua në një vegël që bëri gjithçka për të zhdukur opozitën dhe për të emëruar opozitën që donte Sulltan Surreli. Kjo strategji vazhdon edhe sot me vrull dhe me pasion nga çdo spikere që është ulur në atë karrige aty mbrapa, nga çdo anëtar i organizatës kriminale që quhet qeveri. Parlamenti, pra sot, për turp dhe faqe te zezë është shndërruar në një vend ku opozita trajtohet si armike. Në një vend ku lideri i saj burgosej dhe këtu ishte  Herezi ti përmendje emri liderit të opozitës.  Këtu si në asnjë vend tjetër liderit të opozitës ju fshi edhe emri si deputet megjithëse ishte i zgjedhur me votën e popullit. Ja kjo është pasqyra e parlamentit tuaj të narkoregjimit. Sepse kjo nuk ndodh askund. A mund të ndodhte tjetër kund kjo. A me gjeni një vend tjetër që të ndodhë kjo që ka ndodhur këtu. Këtu të gjithë mazhoranca nuk mendon, janë këtu për ti bërë fresk Sulltanit.

Parlamenti u shndërrua në një vend ku fjala e lirë goditej e sulmohej. Spikerët e Parlamentit vraponin të tregonin zell ndaj ‘Sulltanit’, që kush e kush t’i mbyllte gojën opozitës dhe të asgjësonte fjalën e lirë.

Përjashtime dy mujore.

Ndërprerje mandati të përkohshëm, të padëgjuara gjëkundi.

Shpallje armik të atyre opozitarëve që ngrinin krye kundër ‘Sulltanit’, u bë modë e mburrësit përballë ‘Sulltanit’. (Pushka e Partisë (Bushka) që sot ju shtrëmberua tyta e nuk gjuan më. E zeza Linditë. Salmonela e ‘Miss 6 milion Euro’ që kujton se është aty për paradë mode, ishin në garë kush e kush t’i marrë frymën opozitës e ta asgjësojë parlamemtarizmin.

Në Shqipëri, kemi parë shpesh një shfaqje tronditëse ku vetë thelbi i demokracisë – vota – është asgjësuar me metodat e një regjimi të vërtetë. Kjo qeverisje ka vënë në rresht çdo hallkë të shtetit elektoral: krimin, parlamentin, deputetët dhe kartelët ekonomike, për të manipuluar procesin zgjedhor. Vota është kthyer në një flluskë sapuni, ku premtimet janë zëvendësuar me presione, blerje votash dhe përdorim abuziv të burimeve shtetërore, duke lënë qytetarët pa zë dhe duke zhveshur zgjedhjet nga çdo kuptim demokratik.

Sot jemi mbledhur këtu, për të ndriçuar një realitet të dhimbshëm që ka gërryer themelet e shtetit tonë: një qeverisje e zhytur në afera korruptive, abuzime me pushtetin dhe shpërdorime të fondeve publike. Dokumentet, hetimet dhe dëshmitë publike flasin qartë për një sistem ku interesi personal dhe klientelizmi kanë zëvendësuar interesin kombëtar.

Skandali ‘McGonigal’: Një Hije Mbi Sovranitetin

Nuk mund ta nisim këtë fjalim pa prekur një nga skandalet më të rënda: lidhja e qeverisë Rama me Charles McGonigal, ish-zyrtarin e lartë të FBI-së, i arrestuar në SHBA për korrupsion dhe lidhje me krimin e organizuar. McGonigal, dikur shef i kundërzbulimit në Nju Jork, u akuzua se ka marrë ryshfet nga Kryeministri Edi Rama dhe ka bashkëpunuar me figura të dyshimta ruse, duke ngritur pikëpyetje thelbësore mbi sovranitetin dhe integritetin e vendit tonë.

Ka prova që tregojnë kontakte të ngushta, ndikim në fushatat elektorale – duke orkestruar hetime fiktive ndaj opozitës – dhe ndërhyrje në tendera strategjikë. Kjo qeveri ka refuzuar të japë përgjigje transparente, duke thelluar dyshimet për abuzim me fonde publike dhe vendimmarrje të ndikuar nga interesa të errëta.

Abuzimi me Fondet Publike: Nga Brukseli në Xhepat e Klientelës

Një tjetër plagë e hapur janë skandalet me fondet publike, nga ato europiane te buxheti i shtetit:

Fondi IPARD: Miliona euro të destinuara për zhvillim rural janë shpërdoruar, duke financuar projekte fiktive ose biznese të lidhura me qeverinë. Kjo ka dëmtuar besueshmërinë tonë ndaj BE-së dhe rrezikon financimet e ardhshme.

Afera e Inceneratorëve: Kjo është ndoshta afera më e madhe e korrupsionit në vend. Tre impiante, me kosto mbi 200 milionë euro, rezultuan skemë pastrimi parash, ku zyrtarë të lartë si ish-ministri Lefter Koka dhe ish-sekretari Alqi Bllako janë arrestuar. Miliona janë paguar për punë të pakryer, përmes tenderash pa garë dhe falsifikime dokumentesh.

Skandali ‘5D’ dhe Propaganda: Qindra milionë euro janë derdhur nga buxheti i shtetit në kompani mediatike si ‘5D’, të akuzuara për prodhimin e propagandës qeveritare. Kjo ka deformuar të vërtetën dhe ka blerë heshtjen e opinionit publik.

Skandali i Sterilizimit në Shëndetësi: Kontrata mbi 100 milionë euro për sterilizimin e pajisjeve kirurgjikale, fryrë në mënyrë të skajshme, ka pasur për qëllim pasurimin e klientëve pranë qeverisë, duke dëmtuar cilësinë e shërbimit shëndetësor dhe duke rritur kostot për qytetarët. Ish-ministri Ilir Beqaj dhe zyrtarë të tjerë janë nën hetim.

Afera ‘Porti i Durrësit’ dhe Grabitja e Pronës Publike

Afera e Portit të Durrësit është një dëshmi tjetër e grabitjes së pronës publike. Marrëveshja me kompaninë ‘Emaar’ ka shkatërruar portin ekzistues pa një alternativë funksionale, duke favorizuar investitorët në kurriz të interesit publik. Akuza të forta janë ngritur për abuzim me fonde ndërkombëtare, përfshirë ato të USAID/UNDP, në projekte pa transparencë, ku përfitime marramendëse dyshohet se kanë shkuar drejt personave të lidhur me Kryeministrin.

Abuzimi me Pushtetin dhe Manipulimi Politik

Kjo qeveri nuk ka nguruar të abuzojë me pushtetin për qëllime politike:

Skandali TIMS: Të dhënat sensitive të hyrje-daljeve në kufi u kopjuan dhe u shpërndanë në mënyrë të paligjshme. Kjo ngre dyshime të forta se qeveria po përdor këto të dhëna për ndjekje politike dhe përgjime të kundërshtarëve.

Patronazhistët dhe Manipulimet Zgjedhore: Zgjedhjet e fundit parlamentare dhe vendore u karakterizuan nga përdorimi i burimeve shtetërore dhe presioni mbi administratën. Zbulimi i bazës së të dhënave të ‘patronazhistëve’ tregoi se Partia Socialiste ka përdorur informacione personale të qytetarëve për qëllime elektorale, duke cënuar rëndë integritetin e procesit zgjedhor.

Korrupsioni në Bashkinë e Tiranës dhe Lidhjet me Krimin

As kryeqyteti nuk ka shpëtuar nga kjo krizë. Bashkia e Tiranës, nën drejtimin e Erion Veliajt, i arrestuar nga SPAK në shkurt 2025, ka dhënë mbi 40 milionë euro tendera klientelistë. Kompani të familjes Veliaj janë favorizuar, me çmime të fryra për projekte publike, ndërsa qytetarët vazhdojnë të përballen me infrastrukturë të degraduar.

Për më tepër, kemi parë një përfshirje shqetësuese të segmenteve të Policisë së Shtetit me grupe kriminale, duke lehtësuar trafikun e drogës dhe pastrimin e parave. Shkarkimet e vazhdueshme të drejtorëve të policisë dhe hetimet e vonuara të SPAK-ut tregojnë thellësinë e këtij problemi.

Këto janë vetëm disa nga skandalet që kanë goditur Shqipërinë në vitet e fundit. Këto afera kanë një emërues të përbashkët: korrupsionin, mungesën e transparencës dhe përdorimin e pushtetit për pasurim personal. Ato kanë dëmtuar rëndë besimin e qytetarëve te institucionet, kanë shkatërruar ekonominë dhe kanë ngadalësuar rrugëtimin tonë drejt Bashkimit Europian.

Është detyra jonë, si përfaqësues të popullit, të kërkojmë llogari, të sigurojmë drejtësi dhe të garantojmë që askush të mos jetë mbi ligjin. Vetëm kështu mund të shpresojmë të ndërtojmë një shtet të së drejtës, ku qytetarët të kenë besim te institucionet e tyre dhe ku fondet publike t’i shërbejnë vërtet interesit të përgjithshëm.

Faleminderit!