Zelenskyy në Washington me liderët evropianë, Shtëpia e Bardhë jep detajet

Pas Samitit Trump-Putin në Alaska, sot Presidenti i Shteteve të Bashkuara, Donald Trump, pret në në Shtëpinë e Bardhë, Presidentin e Ukrainës, Volodymyyr Zelenskyy në një takim kokë më kokë dhe më pas në një takim shumëpalësh me liderët evropianë.

Në Shtëpinë e Bardhës, sot Zelenskyy dhe aleatët e tij evropian do të përpiqen të bien dakord me Presidentin Trumpin për hapa konkretë drejt një marrëveshjeje paqeje me Rusinë, pasi negociatat në Alaska nuk çuan në një marrëveshje.

Sipas protokollit të shpallur nga Shtëpia e Bardhë, mbërritja e liderësve evropianë është planifikuar për në orën 18:00.

Një orë më vonë, në orën 19:00, Presidenti Trump do të mirëpresë Presidentin ukrainas Zelenskyy, dhe takimi i tyre dypalësh do të fillojë në orën 19:15.

Në orën 20:15, Trump do të mirëpresë zyrtarisht edhe liderët evropianë.

Pika kulmore e ditës do të jetë takimi shumëpalësh i Sekretarit të Përgjithshëm i NATO-s Mark Rutte, Kryeministrit britanik Keir Starmer, Presidentes së Komisionit Evropian Ursula von der Leyen, Presidentit francez Emmanuel Macron, Kryeministres italiane Giorgia Meloni, Kancelarit gjerman Friedrich Merz, Presidentit finlandez Alexander Stubb, dhe presidentit ukrainas Volodymyr Zelenskyy me Presidentin amerikan Donald Trump, i cili është planifikuar për në orën 21:00.

Zelenskyy në Washington:

Trump: Zelensky mund t’i japë fund luftës pothuajse menjëherë, nëse dëshiron
Ndërkohë Presidenti Trumo përmes rrjetit social “Truth” i bëri thirrje presidentit ukrainas të arrijë një marrëveshje për t’i dhënë fund konfliktit trevjeçar e gjysmë me Rusinë.

“Presidenti i Ukrainës Zelensky mund t’i japë fund luftës me Rusinë pothuajse menjëherë, nëse dëshiron, ose mund të vazhdojë të luftojë. Nuk ka kthim të Krimesë të cilën e dha Obama… dhe nuk ka anëtarësim të Ukrain në NATO. Disa gjëra nuk ndryshojnë kurrë!!!” u shpreh qartë Presidenti Trump në prag të takimit në Shtëpinë e Bardhë.

Ndërsa I dërguari amerikan Steve Witkoff tha dje për CNN se Presidenti Trump dhe homologu i tij rus Vladimir Putin kanë ra dakord gjatë kimit në Alaskë ditëne premte mbi “garanci të forca të sigurisë” për Ukraiën, duke i konsideruar si pikë kthese.

Sipas tij, Rusia ka bërë “lëshime” territoriale në lidhje me pesë rajone ukrainase, përpara një takimi midis Zelenskyy dhe udhëheqësve evropianë që zhvillohet sot në Shtëpinë e Bardhë .

“Rusët, të premten në Alaska kanë bërë disa lëshime ‘në tryezë’ në lidhje me të pesë rajonet e Ukrainës lindore. Po zhvillohet një diskutim i rëndësishëm në lidhje me Donetskun dhe atë që do të ndodhë atje,” tha Witkoff.

Folën edhe rusët

Rusia pajtohet që çdo marrëveshje e ardhshme paqeje mbi Ukrainën duhet t’i ofrojë garanci sigurie Kievit, por Moska gjithashtu ka nevojë për garanci të besueshme sigurie, tha i dërguari i Rusisë në organizatat ndërkombëtare në Vjenë, Mikhail Ulyanov.

“Shumë liderë të BE-së theksojnë se një marrëveshje e ardhshme paqeje duhet të ofrojë garanci ose garanci të besueshme sigurie për Ukrainën. Rusia pajtohet me këtë. Por ajo ka të drejtë të barabartë të presë që Moska do të marrë gjithashtu garanci efektive sigurie,” tha Mikhail Ulyanov përmes rrjetit socia X.

Zelenskyy në Washington

Presidenti ukrainas Volodymyr Zelensky tha me të mbërritur në Washington se shpreson që “forca e përbashkët” e Ukrainës me homologët amerikanë dhe evropianë do ta detyrojnë Rusinë të bëjë paqe.

“I jam mirënjohës Presidentit të Shteteve të Bashkuara për ftesën. Ne të gjithë duam njësoj ta përfundojmë shpejt dhe me siguri këtë luftë”, tha Zelenskyy përmes rrjetit social Telegram pasi mbërriti në Washington mbrëmë vonë, duke përfunduar:

“Dhe shpresoj që forca jonë e përbashkët me Amerikën dhe miqtë tanë evropianë do ta detyrojë Rusinë të bëjë paqe të vërtetë.”