Shqiptarët e Kosovës drejt bregdetit shqiptar, radhë kilometrike te trau i Qet Kastratit

Shqiptarë të Kosovës kanë zgjedhur përsëri fundjavën për ta kaluar në bregdetin shqiptar dhe sërish me orë të tëra presin vetëm te trau i Qet Kastratit, kufiri i dytë që Edi Rama ka vendosur në Veri.

Qendra për Menaxhimin e Kufirit e Kosovës edhe në përditësimin e funidt raporton se në pikën e kalimit kufitar Vërmicë ka fluk makinash por si në dalje ashtu dhe në hyrje pritja është vetëm 3-5 minuta, ndërkohë problematike në Rrugën e Kombit, përveç plaçitja rilindase me 5 euro të kombit shqiptar mbetet pritja e madhe në vendin e krimit, Traut të Qet Kastratit ku edhe sot radhët janë kilometrike ndërsa respekti për 20 mijë turistët nga Kosova në 24 orët e fundit, si zakonisht nga shteti i Edi Ramës, është zero.

Ndërkohë që vetëm në mëngjesin e sotëm sipas Qendrës për Menaxhimin e Kufirit të Kosovës në pikën e kalimit kufitar të Morinës kanë kaluar më shumë se 4 mijë shtetas, dhe pritja vazhdon të jetë 3-5 minuta, problematike mbeten pikat kufitare Meradrë ku pritjet në dalje janë 120-150 minuta, Dheu i Bardhë ku pritjet në dalje shkojnë deri në 90 minuta, dhe, pikën kufitare Jarinje ku pritjet në dalje janë 40-50 minuta.