Tërhiqet shorti, kjo është renditja e partive në fletëvotime më 12 tetor

Komisioni Qendror i Zgjedhjeve, KQZ, ka bërë tërheqjen e shortit për zgjedhjet lokale të 12 tetorit ku në garë do të jenë 93 subjekte politike, prej të cilave 32 parti, 2 koalicione, 32 iniciativa qytetare dhe 27 kandidatë të pavarur. Ndërkohë numri i përgjithshëm i kandidatëve, që përfaqësojnë këto subjekte politike, është 5.626 kandidatë, prej të cilëve 206 kandidatë për Kryetarë të Komunave dhe 5.420 për anëtarë të Kuvendeve Komunale.

Lëvizja Vetëvendosje në zgjedhjet lokale do ta ketë numrin 105.

Partia Demokratike e Kosovës në fletëvotime do ta ketë numrin 191.

Lidhja Demokratike e Kosovës do ta ketë numrin 113.

Aleanca për Ardhmërinë e Kosovës, numrin 174.

Lista Srpska do ta ketë numrin 170.

Nisma Socialdemokrate do ta ketë numrin 186.

Lista Guxo do ta ketë numrin 118.

Alternativa do ta ketë numrin 103.

Partia Socialdemokrate do ta ketë numrin 149.

Për Drenasin Kampion me Ramiz Lladrovcin në fletëvotim do ta ketë numrin 103.

Ndryshe, për zgjedhjet lokale të 12 tetorit janë të certifikuara 93 subjekte politike, prej të cilave 32 parti politike, 2 koalicione, 32 iniciativa qytetare dhe 27 kandidatë të pavarur.