Sot homazhe për Azem Hajdarin

Në përkujtim të 27 vjetorit të rënies së Heroit të Demokracisë Azem Hajdari, sot Partia Demokratike organizoi një Ceremoni përkujtimore me pjesëmarrjen e Kryetarit të PD, Sali Berisha dhe Grupimin Dhjetor ‘90.

“Në këtë përvjetor, të rënies së tij për të mbetur i pavdekshëm, Azem Hajdari, së bashku me sivëllaun e tij, Besim Çerja, janë më të gjallë se kurrë, në idealet e shqiptarëve që aspirojnë lirinë dhe dinjitetin njerëzor.
Idealet e Azem Hajdarit, sot janë më kushtruese, më ftuese se kurrë që nga viti 1990 e gjer në këtë moment, mbasi Shqipëria është zhytur sot në formën më të shëmtuar të diktaturave, që është diktatura e drogës, krimit dhe vjedhjes së shqiptarëve.
Sot pluralizmi për të cilin Azem Hajdari dhe studentët liberatorë ecën drejt sakrificave sublime, për rivendosjen në Shqipëri të pluralizmit, defakto është i shtypur, i dhunuar.

Sot vota e lirë nuk ekziston, fjala e lirë është në satrin e xhelatëve të pushtetit, në satrin e Edi Ramës, siç ishte ajo në diktaturën tjetër kur i atij i tij xhelat firmoste varje të poetëve, ekzekutim të qytetarëve për fjalën e lirë, mendimin e lirë,” tha Sali Berisha, pranë Monumentit të Azem Hajdarit nuk e konsideruar këtë ditë edhe si ditë bekimi.
“Sot është një ditë betimi do të thosha për çdo demokrate e demokrat shqiptar, për çdo deputete dhe deputet të PD, për çdo drejtuese dhe drejtues të kësaj partie dhe mbështetësit e saj, që të ngrihemi për të shpëtuar Shqipërinë, për të çliruar Shqipërinë, për të shpëtuar pluralizmin, për të shpëtuar votën e lirë, për të rikthyer votën e lirë, për të shpëtuar fjalën e lirë.
Dhe njëherë të gatshëm për çdo çmim, për çdo sakrificë, mbasi liria ka çmim, liria dhe dinjiteti kërkojnë sakrifica,” tha Kryetari i Partisë Demokratike, Sali Berisha, duke përfunduar:
“Unë kam bindjen se, demokratët shqiptarë, opozitarët shqiptarë pavarësisht nga ditët e vështira, do ti tregojnë Shqipërisë dhe botës dhe njëherë se, ata janë në armiqësi për jetë a vdekje me armiqtë e lirisë.
Janë në armiqësi me armiqtë e fjalës së lirë, dhe dinjitetit njerëzor dhe se do rikthejnë përsëri në këtë vend, vlerat e lirisë, idealet më të larta njerëzore, votën e lirë, fjalën e lirë.”

Ndryshe, Ceremonia përkujtimore e rënies së tribunit të demokracisë, u zhvillua në orën 9:30, te Monumenti i Azem Hajdarit, pranë qendrës Toptani

Ndërsa në orën 20:30 miqtë më të ngushtë të Azem Hajdarit bëjnë homazhe tek Monumenti, aty ku u ekzekutua Heroi i Demokracisë, dhe shqiptarët mbetën pa udhërrëfyesin e tyre për ndërtimin e një Shqipërie të lirës dhe demokratike!