Diella si Gent Cakaj, Edi Rama dekretohet si Kryeministër dhe merr përsipër Ministrin e Inteligjencës Artificale
Diellën e shiti si ministre të Inteligjencës Artificiale përgjegjëse për prokurrimet publike, por sot kur erdhi momenti i dekretimit nga Presidenti Bajram Begaj si Kryeministër, Edi Ramës iu bë e qartë se në mungesë të kuadrit ligjor, si në rastin e Gent Cakajt ai do jetë përgjegjës për këtë ministri.
Në dekretin e firmosur nga Bajram Begaj, në Nenin 2 shkruhet se Kryeministri ushtron dhe përgjegjësinë për ngritjen dhe funksionimin e ministrit të inteligjencës artificiale, Diella.
Pas mandatimit si kryeministër, Edi Rama do t’i dërgojë Begajt edhe dekretet e ministrave të rinj, të cilët i shpalli një ditë më parë, më 11 shtator, në Asamblenë e Partisë Socialiste, pas votimi të qeverisë parlament.
Kështu, Edi Rama mund të vazhdoj komunikimin me Diellën sa t’ja doj kokërra e qejfit, por Ministër i Inteligjencës Artificiale është vetë ai.
Kabineti i ri qeveritar
1. Zv.kryeministre, njëherësh ministre e Infrastrukturës dhe Energjisë, Belinda Balluku
2. Ministrie e Punëve të Brendshme, Albana Koçiu
3. Ministre për Evropën dhe Integrimin, MPJ, Elisa Spiropali
4. Ministër i Financave, Petrit Malaj
5. Ministër i Turizmit dhe Kulturës dhe Sportit, Blendi Goxhja
6. Ministër i Mjedisit, Sofjan Jaupaj
7. Ministre e Arsimit, Mirela Kumbaro
8. Ministre e Shëndetësisë dhe Çështjeve Sociale, Evis Sala
9. Ministre e Ekonomisë dhe Inovacionit, Delinda Ibrahimaj
10. Ministre e Inteligjences Artificiale, “Diella”
11. Ministër i Drejtësisë, Besfort Ramallari
12. Ministër i Mbrojtjes, Pirro Vengu
13. Ministër i Bujqësisë, Andis Salla
14. Ministër për Pushtetin Vendor, Ervin Demo
15. Ministre e Shtetit për Administratën Publike dhe Antikorrupsionin, Adea Pirdeni
16. Ministrie e Shtetit për kryenegociator, Majlinda Dhuka
17. Ministër për Marrëdhënien me Parlamentin, Toni Gogu
Ndryshe, Edi Rama i mësuar të komunikoj me delet që i ka edhe për anëtarë partie, që as nuk duan t’ja dinë se çfarë ka ndodhur kur sot liderit të tyre i bjen në kokë të themeloj dhe Ministrin e Inteligjencës Artificiale.
Kujtojmë se në vitin 2019, Presidenti Ilir Meta nuk i dekretoi Ministrin e Jashtëm, Genti Cakaj, sepse nga informacioni i administruar mbi verifikimin e sigurisë dhe pastërtisë së figurës, Zv/ministri për Evropën dhe Punët e Jashtme, Cakaj përkundër detyrimit ligjor nuk ka pasur çertifikatë të sigurisë personale bazuar në VKM nr. 836, datë 14.10.2015 “Për miratimin e rregullores për punën me informacionin e klasifikuar të NATO-s dhe Bashkimit Evropian” dhe akteve nënligjore në zbatim të tyre. Madje, Cakaj as që ka aplikuar, dhe sipas konfirmimit shkresor të MEPJ dhe DSIK, z. Gent Cakaj ka plotësuar formularin e aplikimit vetëm më datë 03 janar 2019 (3 ditë pas firmosjes së propozimit për dekretim si Ministër të MEPJ).
E ku ta merr Edi Rama i shkretë çetifikatën e sigurisë për Diellën, te iranianët!
