Me Kryetaren e KLP, VanHorn: Integriteti i zgjedhjes së kreut të SPAK, thelbësor për bashkëpunimin me SHBA

Integriteti i procesit për zgjedhjen e kreut të SPAK është thelbësor për vazhdimin e bashkëpunimit mes Shteteve të Bashkuara dhe Shqipërisë në luftën kundër krimit të organizuar, tha E Ngarkuara me Punë e SHBA në Tiranë, Nancy VanHorn, pas takimit me Kryetaren e Këshillit të Lartë të Prokurorisë, KLP, Mirela Bogdanin, për të diskutuar mbi ngjarjet e rëndësishme që do të zhvillohen në Këshill.

“Integriteti i procesit për zgjedhjen e Kryeprokurorit të Posaçëm të SPAK është thelbësor për vazhdimin e bashkëpunimit mes Shteteve të Bashkuara dhe Shqipërisë në luftën kundër krimit të organizuar ndërkombëtar dhe për forcimin e sigurisë së vendeve tona,” shprehet pas takimit E Ngarkuara me Punë Nancy VanHorn, përmes një njoftimi në rrjetin social Facebook.

Ndryshe, Ambasada e SHBA në Tiranë, saktëson se E Ngarkuara me Punë Nancy, VanHorn, u takua dje me Kryetaren e Këshillit të Lartë të Prokurorisë, Mirela Bogdanin, për të diskutuar mbi ngjarjet e rëndësishme që do të zhvillohen në Këshill.