Presidentja e KE në Tiranë: Kushti i zgjerimit bazohet tek meritat e Shqipërisë

Presidentja e Komisionit Europian, Ursula von der Leyen, vlerësoi sot në Tiranë përparimin e Shqipërisë në procesin e integrimit europian ndërsa foli dhe për atë se çfarë ka mbetur për t’u bërë dh ekur do hapet dera e BE për shqiptarët.

“Ne të gjithë themi me të drejtë që kushti i zgjerimit bazohet tek meritat dhe meritat e Shqipërisë janë të dukshme. Është një proces normal i hapjes së kapitujve dhe të punojë për reformat në mënyrë që të bëheni pjesë e BE. Për mua është më rëndësi shpejtësia që po ecim në 2-3 vitet e fundit.

Jam e impresionuar nga populli shqiptar që më thonë Po ne duam të bëhemi anëtarë të BE , e dimë që këto reformat janë për ne për të forcuar demokracinë,” tha Ursula von der Leyen pas takimit me Kryeministrin Edi Rama në Tiranë duke folur për rrugën e duhur për anëtarësimin e Shqipërisë drejt Bashkimit Evropian.

“Kënaqësi ta filloj turin tim këtu në Tiranë. Shqipëria është në rrugën e duhur drejt BE. Ju keni bërë progres, por unë dua të theksoj që është një progres i mrekullueshëm, një shpejtësi rekord dhe një përshpejtim shumë të vërtetë në 3 vitet e fundit.

5 nga 6 grupkapitujt janë të hapura, ne planifikojmë të hapim të fundit këtë vjeshtë. E di edhe përpjekjen tuaj personale dhe të ekipit që keni bërë. Ne do jemi me ju në çdo hap të kësaj rruge,” tha Presidentja e KE, Ursula von der Leyen, por nuk ndaloi, ndryshe shqiptarët nuk do ta kuptonin se ajo po tallet me ta. Gjithësesi, këtij mileti të varfër ajo i tha:

“Ekonomia juaj ka fituar aksese në tregun tonë të përbashkët dhe në investimet e reja të BE-së dhe në këmbim ju zbatoni reforma kyçe.”