Presidentja e KE në Tiranë, Berisha: Shqipëria, përveç kriterit gjeostrategjik me politik jashtme, s’plotëson asnjë kriter
Duke i uruar mirëseradhje Presidentes së Komisionit Evropian në Tiranë, Ursula vfon der Leyen, Kryetari i Partisë Demokratika, Sali Berisha, tha se Shqipëria aktualisht, përveç kriterit gjeostrategjik dhe politikës së jashtme nuk plotëson asnjë kriter tjetër për integrimin e saj në BE.
Me këtë rast Kryetari i Partisë Demokratike thekson se vetëm një proces integrimi i bazuar në meritën, funksionimin e shtetit ligjor, zgjedhjet e lira dhe ekonominë e tregut të lirë është interesi më i mirë i shqiptarëve.
“Në qoftë se i referohemi popullit shqiptar, shtoj këtu se në këto vite, shqiptarët kanë ikur nga vendi i tyre më shumë se në çdo kohë lufte, fatkeqësish natyrore apo shkaqe të tjera. Gjatë qeverisjes së Edi Ramës u larguan nga Shqipëria vetëm në hapësirën evropiane 1 milion e 99 mijë qytetarë të këtij vendi.
Në Shqipëri sot të gjitha pushtetet janë në duart e një njeriu, Edi Ramës.
Shqipëria është sot narkoshteti i parë dhe i vetëm në Europë, prodhues kryesor i kanabisit në kontinent. Degë shqiptare të karteleve më të fuqishme të drogës të Amerikës së Jugut, është provuar se janë të lidhura direkt me qeverinë aktuale dhe janë transportues kryesorë dhe përcaktues të çmimit të kokainës në Europë,” tha Sali Berisha duke përfunduar:
“Për PD, zgjedhjet e lira, funksionimi i shtetit ligjor dhe lufta me zero tolerancë ndaj krimit dhe korrupsionit, kanë rëndësi vendimtare në procesin e integrimit të bazuar tek merita të Shqipërisë në BE, shtylla kryesore këto të programit të partisë.”
Ndryshe, sot Presidentja e KE, Ursula von der Leyen pas takimit me Kryeministrin Edi Rama në Tiranë, tha se ishte e impresionuar nga populli shqiptar i cili i thotë se duan të bëhen anëtarë të BE, e dinë që këto reformat janë për ata për të forcuar demokracinë.
Deklaratë:
Në fakt sot është një ditë me shumë ngjarje, por ne po e nisim nga këto të shtëpisë tonë.
Sot, me vizitën në Tiranë, nis turin e saj në vendet e rajonit, presidentja e Komisionit Europian, Ursula von der Leyen.
Me këtë rast, në emër të PD, i uroj asaj mirëseardhjen në Shqipëri dhe sukses në turin e saj.
Sikundër shfrytëzoj rastin të shpreh mirënjohjen më të thellë taksapaguesve europianë, Komisionit Europian dhe qeverive të BE për ndihmën bujare të jashtëzakonshme që në vite dhe dekada u kanë dhënë Shqipërisë dhe shqiptarëve.
Dua gjithashtu të falënderoj për anëtarësimin e Shqipërisë në SEPA, akt që përbën një lehtësim të madh për qytetarët shqiptarë dhe të gjitha ato mikrotransaksione që ata kanë me të afërmit e tyre në Europë dhe në botë.
Por, ky është një rast gjithashtu për të deklaruar publikisht se PD, forca politike që ka anëtarësuar Shqipërinë në Këshillin e Europës, në NATO, dhe që ka firmosur MSA-në, liberalizimin e vizave dhe që meritoi rekomandimin e KE për hapjen e negociatave, por që e pengoi me qëllim të keq Edi Rama, mbështet fuqishëm dhe do mbështesë për asnjë rezervë integrimin e plotë të Shqipërisë në BE si të ardhmen më të shkëlqyer për Shqipërinë dhe shqiptarët.
Por PD thekson se vetëm një proces integrimi i bazuar në meritën, funksionimin e shtetit ligjor, zgjedhjet e lira dhe ekonominë e tregut të lirë është interesi më i mirë i shqiptarëve.
Në këtë kuadër theksojmë se për PD, Shqipëria aktualisht, përveç kriterit gjeostrategjik dhe politikës së jashtme nuk plotëson asnjë kriter tjetër për integrimin e saj në BE.
Në qoftë se i referohemi popullit shqiptar, shtoj këtu se në këto vite, shqiptarët kanë ikur nga vendi i tyre më shumë se në çdo kohë lufte, fatkeqësish natyrore apo shkaqe të tjera.
Gjatë qeverisjes së Edi Ramës u larguan nga Shqipëria vetëm në hapësirën evropiane 1 milion e 99 mijë qytetarë të këtij vendi.
Në Shqipëri sot të gjitha pushtetet janë në duart e një njeriu, Edi Ramës.
Mbi 88 përqind e 220 mijë të zgjedhurve dhe të emëruarve në administratën shqiptare, i përkasin partisë shtet.
Edi Rama për të marrë mandatin e katërt burgosi dhe vendosi në ndjekje penale në vit elektoral, pa asnjë fakt penal, liderët e partive kryesore opozitare, qeveritarë vendorë dhe deputetë të opozitës, akte të dënuara në disa rezoluta ndërkombëtare.
Partia shtet, siç shprehen raportet dhe rezolutat ndërkombëtare, për të marrë mandatin e katërt përdori të gjitha mjetet dhe burimet e shtetit dhe i shndërroi zgjedhjet në një farsë elektorale.
Edi Rama përdor institucionet për të shtypur pluralizmin.
Vendimet e Gjykatës Kushtetuese dhe gjykatave të tjera nuk zbatohen në rast se nuk pëlqehen nga qeveria dhe Edi Rama.
Të drejtat kushtetuese të deputetëve të opozitës në parlament mohohen.
Shqipëria është sot narkoshteti i parë dhe i vetëm në Europë, prodhues kryesor i kanabisit në kontinent.
Degë shqiptare të karteleve më të fuqishme të drogës të Amerikës së Jugut, është provuar se janë të lidhura direkt me qeverinë aktuale dhe janë transportues kryesorë dhe përcaktues të çmimit të kokainës në Europë.
Për PD, zgjedhjet e lira, funksionimi i shtetit ligjor dhe lufta me zero tolerancë ndaj krimit dhe korrupsionit, kanë rëndësi vendimtare në procesin e integrimit të bazuar tek merita të Shqipërisë në BE, shtylla kryesore këto të programit të partisë.
